നിര്മാണത്തിലെ അപാകതയുടെ പേരില് വിവാദത്തിലായ കോഴിക്കോട് കെഎസ്ആര്ടിസി ടെര്മിനല് പൊളിച്ചു മാറ്റേണ്ടി വരില്ലെന്ന് മദ്രാസ് ഐഐടി വിദഗ്ധ സമിതി റിപ്പോര്ട്ട് നല്കിയതായി ഗതാഗത മന്ത്രി
നിര്മാണത്തിലെ അപാകതയുടെ പേരില് വിവാദത്തിലായ കോഴിക്കോട് കെഎസ്ആര്ടിസി ടെര്മിനല് പൊളിച്ചു മാറ്റേണ്ടി വരില്ലെന്ന് മദ്രാസ് ഐഐടി വിദഗ്ധ സമിതി റിപ്പോര്ട്ട് നല്കിയതായി ഗതാഗത മന്ത്രി .
കെട്ടിടം ബലപ്പെടുത്താനാകുമെന്ന് ഐഐടി വിദഗ്ധര് കെഎസ്ആര്ടിസി സിഎംഡി ഉള്പ്പെടെയുള്ളവരുമായി നടത്തിയ കൂടിക്കാഴ്ചയില് അറിയിച്ചെന്നും മന്ത്രി .
നിര്മാണത്തിന് ചെലവായതിന്റെ പകുതിയിലധികം തുക അറ്റകുറ്റപ്പണിക്ക് ആവശ്യമായി വന്നാലേ കെട്ടിടം പൊളിക്കേണ്ട സാഹചര്യമുള്ളൂ. എന്നാല് നിലവിലെ ടെര്മിനല് ബലപ്പെടുത്താനായി 25 ശതമാനത്തില് താഴെയേ ചെലവ് വരികയുള്ളൂ. പൈലിംഗില് പോരായ്മകള് ഉണ്ടോയെന്ന് കണ്ടെത്തുന്നതിനായി പരിശോധനകള് പുരോഗമിക്കുന്നു. ഇക്കാര്യത്തില് മൂന്നാഴ്ചയ്ക്കകം റിപ്പോര്ട്ട് ലഭ്യമാകും.
അപാകത കണ്ടെത്തിയാലും കെട്ടിടം പൊളിക്കാതെ ബലപ്പെടുത്താനാകുമെന്നും ഗതാഗത മന്ത്രി . ഇക്കാര്യത്തില് റിപ്പോര്ട്ട് ലഭിച്ച ശേഷമേ അറ്റകുറ്റപ്പണിയുമായി മുന്നോട്ട് പോകുകുള്ളൂ. ഏത് രീതിയില് അറ്റകുറ്റപ്പണി നടത്തണം എന്നതില് ഐഐടി വിദഗ്ധരെ കൂടി ഉള്പ്പെടുത്തി തീരുമാനമെടുക്കുമെന്നും മന്ത്രി.
ആറു മാസം കൊണ്ട് അറ്റകുറ്റപ്പണി പൂര്ത്തിയാക്കാനാണ് ഉദ്ദേശിക്കുന്നത്. ഇതിന്റെ ചെലവ് കെടിഡിഎഫ്സി വഹിക്കും. ബസ് സര്വീസിന് മുടക്കം സംഭവിക്കാത്ത തരത്തില് അറ്റകുറ്റപ്പണി പൂര്ത്തിയാക്കാനാണ് ഉദ്ദേശിക്കുന്നത്. കരാര് കമ്പനിയുടെ വീഴ്ചയില് അന്വേഷണം പുരോഗമിക്കുന്നു. ഇക്കാര്യത്തില് വിജിലന്സ് അന്വേഷണം പൂര്ത്തിയാകുന്ന മുറയ്ക്ക് കമ്പനിയില് നിന്ന് നഷ്ടപരിഹാരം ഈടാക്കുമെന്നും ഗതാഗത മന്ത്രി.
"
https://www.facebook.com/Malayalivartha
