കല്ലുവാതുക്കല് വ്യാജ മദ്യദുരന്ത കേസിലെ പ്രതി മണിച്ചന് ഇന്ന് ജയില് മോചിതനായേക്കും..... സുപ്രീംകോടതി ഉത്തരവിന്റെ പകര്പ്പ് മണിച്ചന് കഴിയുന്ന തിരുവനന്തപുരം നെട്ടുകാല്ത്തേരിയിലെ തുറന്ന ജയിലില് എത്താത്തതിനാല് മോചനം സാധ്യമായില്ല
കല്ലുവാതുക്കല് വ്യാജ മദ്യദുരന്ത കേസിലെ പ്രതി മണിച്ചന് ഇന്ന് ജയില് മോചിതനായേക്കും..... സുപ്രീംകോടതി ഉത്തരവിന്റെ പകര്പ്പ് മണിച്ചന് കഴിയുന്ന തിരുവനന്തപുരം നെട്ടുകാല്ത്തേരിയിലെ തുറന്ന ജയിലില് എത്താത്തതിനാല് മോചനം സാധ്യമായില്ല
പിഴത്തുക അടയ്ക്കാതെ മണിച്ചനെ മോചിപ്പിക്കാന് സുപ്രീം കോടതി ഉത്തരവിട്ടിരുന്നു. ഇന്നലെ ഉത്തരവ് തിരുവനന്തപുരത്ത് ജയില് ആസ്ഥാനത്ത് ലഭിച്ചിരുന്നു.
എന്നാല് കോടതി ഉത്തരവ് ഇന്ന് ജയിലില് എത്തുമെന്നും ഇന്ന് മോചനമുണ്ടായേക്കുമെന്നും ജയില് അധികൃതര് പറഞ്ഞു. 31 പേരുടെ മരണത്തിനിടയാക്കിയ കല്ലുവാതുക്കല് മദ്യ ദുരന്ത കേസിലെ ഏഴാം പ്രതിയായ മണിച്ചന് 22 വര്ഷമായി ജയിലിലാണ്.
നേരത്തേ ശിക്ഷാ ഇളവ് നല്കുന്നവരുടെ പട്ടികയില് ഇടം പിടിച്ചിരുന്നെങ്കിലും പിഴത്തുകയായ മുപ്പത് ലക്ഷത്തി നാല്പ്പത്തയ്യായിരം രൂപ കെട്ടിവയ്ക്കാത്തതിനാല് ജയിലില് നിന്നിറങ്ങാന് സാധിച്ചിരുന്നില്ല. തുടര്ന്ന് മണിച്ചന്റെ ഭാര്യ നല്കിയ ഹര്ജിയില് പിഴത്തുക സുപ്രീം കോടതി ഒഴിവാക്കുകയായിരുന്നു.
അതേസമയം തുറന്ന ജയിലിലെ ടിവിയില് നിന്നാണ് മണിച്ചന് ഈ വാര്ത്ത കേട്ടത്. അതില് സന്തോഷം തോന്നുന്നതായി മണിച്ചന് പറഞ്ഞു. കല്ലുവാതുക്കല് മദ്യദുരന്തക്കേസിലെ പ്രതിയായി സെന്ട്രല് ജയിലിലായിരുന്ന മണിച്ചനെ നല്ലനടപ്പിനെ തുടര്ന്നാണ് തുറന്ന ജയിലിലേക്കു മാറ്റിയത്. നെട്ടുകാല്ത്തേരിയിലെ തുറന്ന ജയിലിലെ കൃഷിയുടെ മേല്നോട്ടം മണിച്ചനായിരുന്നു വഹിച്ചിരുന്നത് .
"
https://www.facebook.com/Malayalivartha
