ഷാഫി പറമ്പിലിനെതിരായ ആരോപണങ്ങൾ കേരള രാഷ്ട്രീയത്തിൽ ശക്തമായ ചർച്ചകൾക്ക് വഴിവച്ചിരിക്കുകയാണ്. ആരോപണങ്ങൾ ഉന്നയിച്ചവരും മറുപടി നൽകിയവരും പരസ്പരം വെല്ലുവിളികൾ ഉയർത്തുകയാണ്. ആരോപണങ്ങളുടെ വിശ്വാസ്യത, തെളിവുകൾ, രാഷ്ട്രീയ നേട്ടങ്ങൾ—എല്ലാം ചേർന്ന് വിവാദം കൂടുതൽ കനക്കുകയാണ്. ഷാഫി പറമ്പിലിനെതിരായ അധിക്ഷേപ പരാമർശം നടത്തിയെന്നാരോപിച്ച് പാലക്കാട് സിപിഎം ജില്ല സെക്രട്ടറി ഇ.എൻ സുരേഷ് ബാബുവിനെതിരായ പരാതിയിൽ പൊലീസ് നിയമോപദേശം തേടും.

പരാതി പാലക്കാട് എസ്പി നോർത്ത് പൊലീസിന് കൈമാറും. മൂന്നാം കക്ഷിയാണ് പരാതി നൽകിയിരിക്കുന്നത് എന്നതിനാൽ നിയമോപദേശം ഇല്ലാതെ തുടർനടപടി സ്വീകരിക്കില്ലെന്ന് പൊലീസ് വ്യക്തമാക്കി. ഷാഫി പറമ്പിലിനെതിരെ ആക്ഷേപം ഉന്നയിക്കുന്നവർ, ഇത്തരം ആക്ഷേപങ്ങൾ തിരിച്ച് അവരിൽ തന്നെ എത്തുമെന്ന് ആലോചിക്കണമെന്ന് യുഡിഎഫ് കൺവീനർ അടൂർ പ്രകാശ് പ്രതികരിച്ചു.

യുഡിഎഫ് നേതൃ കൺവൻഷനിൽ പങ്കെടുക്കാനെത്തിയ അദ്ദേഹം മാധ്യമപ്രവർത്തകരോടു സംസാരിക്കുകയായിരുന്നു. ഉമ്മൻ ചാണ്ടി ഉൾപ്പെടെ നിരവധിപ്പേരെ കേസിൽ കുരുക്കിയിട്ടുണ്ട്. ആ കേസുകൾ പിൻവലിക്കണം....