കേരളത്തിൽ നാലു ദിവസം വരെ കനത്തമഴ തുടരുമെന്ന് കാലാവസ്ഥാനിരീക്ഷണകേന്ദ്രത്തിന്റെ മുന്നറിയിപ്പുണ്ട്. ഇന്നും ചൊവ്വാഴ്ചയും , ബുധനാഴ്ചയും -തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിൽ യെല്ലോ അലർട്ടാണ്.

നാളെ തിരുവനന്തപുരം, കൊല്ലം, ആലപ്പുഴ, പാലക്കാട്, മലപ്പുറം ജില്ലകളിലും യെല്ലോ അലർട്ടായിരിക്കും.

മലാക്കാ കടലിടുക്കിനും തെക്കൻ അന്തമാൻ കടലിനും സമീപത്തായി ന്യൂനമർദം രൂപപ്പെട്ടിട്ടുണ്ട്. ഇത് തെക്കുകിഴക്കൻ ബംഗാൾ ഉൾക്കടലിൽ ശക്തമായ ന്യൂനമർദമായി മാറും.

തെക്കുകിഴക്കൻ അറബിക്കടലിൽ ലക്ഷദ്വീപിന് സമീപത്തായി ചക്രവാതച്ചുഴിയും നിലനിൽക്കുന്നു. ഇവയുടെ സ്വാധീനമാണ് മഴ ശക്തമാകാൻ കാരണമാകുന്നത്.