ആ കാഴ്ച കണ്ട് മകൾ അടുത്തുള്ള വീട്ടിലേക്കോടി... ഭാര്യയെ ഭർത്താവ് ഗ്യാസ് കുറ്റി കൊണ്ട് തലയ്‌ക്കടിച്ച് കൊലപ്പെടുത്തി. കൊല്ലം കരിക്കോട് അപ്പോളോ നഗറിലാണ് സംഭവം. ഇന്നലെ രാത്രി 11 മണിയോടെയാണ് കവിത (46) വീട്ടിൽവച്ച് ഭർത്താവ് മധുസൂദനൻ പിള്ള (54)യുടെ ആക്രമണത്താൽ കൊല്ലപ്പെട്ടത്.

സംഭവം മകളുടെ കൺമുന്നിൽ വച്ചായിരുന്നു. അതിക്രൂരമായ കൊലപാതകം കണ്ട് ഞെട്ടിയ മകൾ അടുത്തുള്ള വീട്ടിലെത്തി പറഞ്ഞതോടെയാണ് വിവരംപുറംലോകമറിയുന്നത്.

ഉടൻ തന്നെ അയൽക്കാർ വിവരം പൊലീസിലറിയിച്ചു. ഇയാളെ കസ്റ്റഡിയിൽ എടുത്ത് ചോദ്യംചെയ്‌ത് വരുന്നു. കവിതയുടെ മൃതദേഹം ആശുപത്രിയിലേക്ക് മാറ്റി. കശുവണ്ടി വ്യാപാരത്തിൽ ഇടനിലക്കാരനായി പ്രവ‌ത്തിക്കുന്നയാളാണ് മധുസൂദനൻ പിള്ള. കുടുംബപ്രശ്‌നങ്ങളാണ് കൊലയ്‌ക്ക് കാരണമെന്നാണ് സൂചന.