കുപ്രസിദ്ധ മോഷ്ടാവായ ബണ്ടി ചോർ കൊച്ചിയിൽ. കസ്റ്റഡിയിലെടുത്ത് പോലീസ്. ഞായറാഴ്ച രാത്രി എട്ടോടെയാണ് ബണ്ടി ചോറിനെ സൗത്ത് റെയിൽവേ സ്റ്റേഷനിൽ വെച്ച് പൊലീസ് കസ്റ്റഡിയിലെടുത്തത്.

കരുതൽ തടങ്കൽ എന്ന നിലയിലാണ് ഇയാളെ കസ്റ്റഡിയിൽ എടുത്തതെന്നാണ് പൊലീസ് പറയുന്നത്. ഇയാള്‍ നല്‍കിയ വിവരങ്ങള്‍ ഉള്‍പ്പെടെ പൊലീസ് പരിശോധിച്ച് വരുന്നു.

ഹൈക്കോടതിയിലുള്ള കേസിന്റെ ആവശ്യത്തിന് എത്തിയെന്നാണ് ബണ്ടി ചോറിന്റെ വിശദീകരണം. 2013ല്‍ തിരുവനന്തപുരം മരപ്പാലത്തെ ഒരു വീട്ടില്‍ മോഷണം നടത്തിയതിന് ഇയാളെ കേരള പൊലീസ് പിടികൂടിയിട്ടുണ്ടായിരുന്നു.