കൊല്ലം കരിക്കോട് അപ്പോളോ നഗറിൽ കൊലപാതകം. ഭർത്താവ് ഭാര്യയെ ഗ്യാസ് കുറ്റി കൊണ്ട് തലയ്ക്കടിച്ച് കൊലപ്പെടുത്തി. 46 വയസുകാരി കവിതയാണ് വീട്ടിനുള്ളിൽ കൊല്ലപ്പെട്ടത്. പ്രതിയായ മധുസൂദനൻ പിള്ളയെ പൊലീസ് വീട്ടിൽ നിന്നും കസ്റ്റഡിയിലെടുക്കുകയായിരുന്നു.

ഇയാളെ ചോദ്യം ചെയ്യുകയാണ്. താൻ വിഷാദരോഗത്തിനു ചികിത്സയിലാണെന്ന് മധുസൂദനൻ മൊഴി നൽകിയിരുന്നു. രാത്രി 11 മണിയോടെയായിരുന്നു കൊലപാതകം നടന്നത്. കൊലപാതക കാരണത്തിൽ വ്യക്തത വന്നിട്ടില്ല.

സംഭവസമയത്ത് വീട്ടിൽ ഇവരുടെ മകളുണ്ടായിരുന്നു. കൊലപാതകം നേരിൽ കണ്ട മകൾ ഭയപ്പാടോടെ അയൽക്കാരെ വിവരം അറിയിക്കുകയായിരുന്നു. അയൽക്കാർ സംഭവം പൊലീസിൽ അറിയിച്ചു. കശുവണ്ടി വ്യാപാരവുമായി ബന്ധപ്പെട്ട ഇടനിലക്കാരനാണ് മധുസൂദനൻ പിള്ള. ഇയാൾ മദ്യപിച്ച് വീട്ടിൽ വഴക്കുണ്ടാക്കാറുണ്ട്.

കവിതയുടെ മൃതദേഹം ആശുപത്രിയിലേക്കു മാറ്റി. ബഹളം കേട്ട് എത്തിയ മകൾ അടുക്കളയിൽ വീണ് കിടക്കുന്ന അമ്മയെ കാണുകയായിരുന്നു. ഉടൻ തന്നെ അയൽക്കാരെയും പൊലീസിനെയും വിവരം അറിയിച്ചു.

കവിതയെ ഉടൻ ആശുപത്രിയിൽ എത്തിച്ചു . പക്ഷെ ജീവൻ രക്ഷിക്കാനായില്ല.കുടുംബപ്രശ്നങ്ങളാണ് കൊലപാതകത്തിന് കാരണമെന്നാണ് പ്രാഥമിക വിവരം. മകൾ നഴ്സിങ് വിദ്യാർഥിയാണ്.സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.