മലപ്പുറത്ത് കുടുംബവഴക്കിനെ തുടർന്ന് അനുജനെ ജ്യേഷ്ഠൻ കുത്തിക്കൊലപ്പെടുത്തി
കൃത്യം നടത്തിയതിന് പിന്നാലെ ഇയാൾ കത്തിയുമായി ബൈക്കിൽ യാത്രചെയ്ത് സ്റ്റേഷനിൽ കീഴടങ്ങി
കുടുംബവഴക്കിനെ തുടർന്ന് അനുജനെ ജ്യേഷ്ഠൻ കുത്തിക്കൊലപ്പെടുത്തി. പൂക്കോട്ടൂർ പള്ളിമുക്കിലാണ് നാടിനെ നടുക്കിയ സംഭവം. പൂക്കോട്ടൂർ പള്ളിമുക്ക് സ്വദേശി അമീർ സുഹൈൽ (26) ആണ് കൊലപ്പെട്ടത്. ജ്യേഷ്ഠൻ ജുനൈദ് (28) ആണ് കുത്തിയത്. കൃത്യം നടത്തിയതിന് പിന്നാലെ ഇയാൾ കത്തിയുമായി ബൈക്കിൽ യാത്രചെയ്ത് മഞ്ചേരി പൊലീസ് സ്റ്റേഷനിൽ കീഴടങ്ങി. ഇന്ന് പുലർച്ചെ അഞ്ച് മണിയോടെയായിരുന്നു കൊലപാതകം.
കുടുംബവഴക്കും സാമ്പത്തിക ഇടപാടുകളും സംബന്ധിച്ച വാക്കുതർക്കവുമാണ് കൊലപാതകത്തിൽ കലാശിച്ചത്. വീട്ടിലെ കത്തി ഉപയോഗിച്ച് കുത്തി കൊലപ്പെടുത്തുകയായിരുന്നുവെന്ന് പൊലീസ് .
സംഭവസമയത്ത് വീട്ടിൽ മറ്റാരും ഉണ്ടായിരുന്നില്ല. ജുനൈദിന്റെ ഭാര്യയും മക്കളും അവരുടെ വീട്ടിലായിരുന്നു. അമീർ അവിവാഹിതനാണ്. വീട്ടിന്റെ അടുക്കളയിലാണ് മൃതദേഹം കണ്ടെത്തിയിരിക്കുന്നത്.
https://www.facebook.com/Malayalivartha
