രാഹുൽ മാങ്കൂട്ടത്തിലിൻ്റെ മാത്രമല്ല, യു.ഡി.എഫിൻ്റെ ആകെ ഇമേജ് തകർന്ന അവസ്ഥയിലാണ് കാര്യങ്ങൾ ഇപ്പോഴുള്ളത്. വാദി ഭാഗത്തിൻ്റെയും പ്രതിഭാഗത്തിൻ്റെയും വാദങ്ങൾ എന്തൊക്കെ ആയാലും, ഒരു ജനപ്രതിനിധി പുലർത്തേണ്ട ചില മര്യാദകൾ രാഹുൽ പാലിച്ചിട്ടില്ലെന്ന് കേരളീയ സമൂഹത്തിന് ബോധ്യപ്പെട്ടു കഴിഞ്ഞിട്ടുണ്ട്. വിവാഹിത ആയാലും അല്ലങ്കിലും മറ്റൊരു സ്ത്രീയുമായി രാഹുൽ മാങ്കൂട്ടത്തിലിനെ പോലുള്ള ഒരു യുവ നേതാവ് വഴിവിട്ട ബന്ധം സ്ഥാപിച്ചത് തെറ്റായി പോയി എന്നതു തന്നെയാണ്, പൊതുവികാരം.അവിവാഹിതനായ രാഹുലിന് എതിരെ, ഇങ്ങനെ വിവാഹം കഴിച്ചവരും അല്ലാത്തവരുമായ

നിരവധി സ്ത്രീകൾ രംഗത്ത് വരുന്നത് ഗൗരവമായി കാണണമെന്ന വികാരം,യു.ഡി.എഫ് ഘടക കക്ഷികൾക്കുമുണ്ട്. ഈ ഒരു സമയത്ത് അനുകൂലിച്ചും പ്രതികൂലിച്ചും ചർച്ചകളായും പോസ്റ്റുകളും കുറിപ്പുകളും ട്രോളുകളും കൊണ്ട് നിറയുകയാണ് സോഷ്യൽ മീഡിയ . ഈ യുവതിയെ കുറ്റപ്പെടുത്തിയും പോസ്റ്റുകൾ കാണാൻ ഇടവരുന്നുണ്ട് . അതിനിടയിൽ ഇന്നലെ ആ യുവതിയുടേതെന്ന് പറയുന്ന കല്യാണ ഫോട്ടോയും ചില സോഷ്യൽ മീഡിയ പേജുകളിൽ കൂടി പുറത്തു വന്നിരുന്നു . ഒരുതരത്തിലും അതിനെ അംഗീകരിക്കാൻ സാധിക്കില്ല . ഇതിൽ ആരുടെ ഭാഗത്താണ് ശെരി തെറ്റ് എന്നുള്ളത് മാത്രമല്ല കോടതിയാണ് അത് തീരുമാനിക്കേണ്ടത് , കോടതിയുടെ പരിഗണയിൽ ഉള്ള വിഷയം ആണ് അത്തരം വിഷയത്തിൽ

ഒരു മാധ്യമ വിചാരണ ഈ സാഹചര്യത്തിൽ നടത്താൻ പാടുള്ളതാണ് . ആരാണോ ആ ചിത്രം പോസ്റ്റ് ചെയ്തിരിക്കുന്നത് അത് എത്രയും വേഗത്തിൽ ഡിലീറ്റ് ചെയ്യണം എന്ന് തന്നെയാണ് പറയാൻ ഉള്ളത് . രാഷ്ട്രീയക്കാരും ഇതിനെ പരമാവധി തിരഞ്ഞെടുപ്പ് സമയം ആയതുകൊണ്ടും മുതലെടുക്കുകയാണ് എന്നുള്ളതിൽ സംശയമില്ല . രക്തം തിളച്ച് ആവേശം കൂടുമ്പോഴും ചില കാര്യങ്ങൾ പറഞ്ഞു പോകുന്നത് പിന്നീട് അത് വലിയ അബദ്ധമായി മാറും . ഒരാളെ നമ്മുക്ക് വിമർശിക്കണമെങ്കിൽ അതിനവിടെ അവരുടെ മോശം ചിത്രങ്ങളോ അവരെ വ്യക്തിഹത്യ ചെയുന്നത് പോലെയുള്ള വാചകങ്ങളോ ഉപയോഗിക്കണം എന്നില്ല

കൃത്യമായി നല്ല ഭാഷയിലും നമ്മുക്ക് ഒരാളെ വിമർശിക്കാൻ ആയിട്ട് സാധിക്കും . ഇപ്പോഴിതാ ഡി വൈ എഫ് ഐ നേതാവ് സിനി ജോയ് പങ്കുവച്ച പോസ്റ്റാണ് ഇപ്പോൾ വിമർശനങ്ങൾക്കു വഴി വച്ചത് . കെ കെ രമ എം എൽ എയെ അധിക്ഷേപിച്ച് ഡി വൈ എഫ് ഐ നേതാവ് സിനി ജോയ്. ഡി വൈ എഫ് ഐ കീഴ്കല്ലയം യൂണിറ്റ് സെക്രട്ടറിയും വട്ടപ്പാറ ലോക്കൽ കമ്മിറ്റി മെമ്പറുമാണ് സിനി. രാഹുലിനൊപ്പമിരിക്കുന്ന രമയുടെ ചിത്രം പങ്കുവച്ചുകൊണ്ടാണ് അധിക്ഷേപകരമായ പരാർമശം നടത്തിയത്.'ഇരയുടെ ഫോട്ടോ പബ്ലിക് ആക്കുന്നതിൽ വിഷമമുണ്ട്. എങ്കിലും ഇരക്കൊപ്പം നിന്നല്ലേ പറ്റൂ. രമയാണ് ആ അറുപത് തികഞ്ഞ ആ ഒരു ഇര'- എന്നാണ് സിനി ജോയ് ഫേസ്ബുക്കിൽ കുറിച്ചത്.

എന്നാൽ പോസ്റ്റിന് താഴെ നിരവധി പേരാണ് സിനിക്കെതിരെ രൂക്ഷവിമർശനവുമായെത്തിയിരിക്കുന്നത്.'കഥ എന്തുമാകട്ടെ...പോസ്റ്റ് ചെയ്‌തത് ഒരു സ്ത്രീ ആയതിൽ ലജ്ജിക്കുന്നു', 'അതെ ഇര ആയിരുന്നു, നിന്റെ പ്രസ്ഥാനം അമ്പതൊന്ന് വെട്ട് വെട്ടി കൊന്ന ടിപിയുടെ ഭാര്യ, 'ശരി ആണ് രമ ഇര ആണ്. സിപിഎമ്മിന്റെ നെറികെട്ട രാഷ്ട്രീയം ചോദ്യം ചെയ്ത ഒഞ്ചിയത്തെ സഖാവ് ടിപിയുടെ ഭാര്യ....ടിപിയെ 51 വെട്ടു വെട്ടി കൊന്നത് കോൺഗ്രസ് അല്ല, ബിജെപി അല്ല, കമ്മ്യൂണിസ്റ്റ് നേതാക്കൾ തന്നെ.ടിപി ചെയ്ത തെറ്റ് കമ്മ്യൂണിസം സാധാരണക്കാരിൽ നിന്നും മാറി പോയപ്പോൾ അതിനെ ചോദ്യം ചെയ്ത് യഥാർത്ഥ കമ്മ്യൂണിസ്റ്റുകാരേ ഒരുമിപ്പിക്കാൻ നോക്കിയത്.

അതിന്റെ ഫലമോ ഒരു മകന് അച്ഛനെ നഷ്ടമായി, ഒരു ഭാര്യക്ക് ഭർത്താവിനെ നഷ്ടമായി. രമ ഒരു ഇര തന്നെ ...കമ്മ്യൂണിസ്റ്റ് കാപാലികരുടെ ക്രൂരതയിൽ ഇര ആക്കപ്പെട്ട ഒരു കമ്മ്യൂണിസ്റ്റ് ഇര'- എന്നിങ്ങനെ പോകുന്നു കമന്റുകൾ.അതിന് ശേഷം പോസ്റ്റ് ഡിലീറ്റ് ആക്കുകയും ചെയ്തിരുന്നു . ഒപ്പം ഒരു കുറിപ്പും പങ്കുവച്ചിരുന്നു . ഉത്തരവാദിത്തപ്പെട്ട കോൺഗ്രസ് പ്രവർത്തകൻ അവളെ അക്രമിക്കാൻ ഒരു ഫോട്ടൊ മനഃപൂർവം ഇട്ടുകൊടുത്തപ്പോൾ കാണിക്കാത്ത വെപ്രാളം ആണല്ലോ മനോരമക്ക് …സന്ദീപ് ജി യുടെ പോസ്റ്റ് കോപ്പി പേസ്റ്റ് ചെയ്യുന്നു താഴെ വാസ്തവത്തിൽ ഇട്ട പോസ്റ്റുകൾ ഡിലീറ്റ് ചെയ്യേണ്ടതില്ല എന്നായിരുന്നു ഞാൻ ആദ്യം തീരുമാനിച്ചതെങ്കിലും പ്രത്യേക സാഹചര്യത്തിൽ കഴിഞ്ഞദിവസം പങ്കുവെച്ച സ്റ്റേജ് പ്രോഗ്രാം ഫോട്ടോ ഡിലീറ്റ് ചെയ്യുകയാണ്.

എന്നാണ് രണ്ടാമത് പങ്കുവച്ച പോസ്റ്റിലെ വാചകങ്ങൾ .അതിനു താഴെയും വിമർശന കമന്റുകൾ ഉണ്ട് . അതിൽ പലതും മോശം കമന്റുകൾ ആയതിനാലും നമ്മുക്ക് വായിക്കാൻ സാധിക്കില്ല . ഏതായാലും വിമർശിക്കട്ടെ കുറ്റപ്പെടുത്തട്ടെ പക്ഷെ അതാരെയും വ്യക്തിഹത്യ ചെയ്തും ഉപദ്രവിച്ചും ആവരുത് എന്ന് മാത്രം . ബലാത്സംഗ കേസിനെ തുടർന്ന് ഒളിവിൽ കഴിയുന്ന രാഹുൽ മാങ്കൂട്ടത്തിൽ എംഎൽഎയെ തേടി അന്വേഷണ സംഘം പാലക്കാട്ടെ രാഹുലിന്റെ ഫ്ലാറ്റിൽ. തെളിവെടുപ്പിനായി എഡിജിപിയുടെ നിർദേശത്തെ തുടർന്നാണ് അന്വേഷണസംഘം പാലക്കാട്ട് എത്തിയത്. ജില്ലയിലെ പൊലീസ് ഉദ്യോഗസ്ഥരുമായി അന്വേഷണസംഘം കൂടിക്കാഴ്ച നടത്തുകയാണ്. രാഹുലിന്റെ ബന്ധുക്കളും സുഹൃത്തുക്കളും പൊലീസ് നിരീക്ഷണത്തിലാണ്.

ഇവരെ ആരെയും തന്റെ ഫോൺ നമ്പറിൽ നിന്ന് രാഹുൽ ബന്ധപ്പെട്ടിട്ടില്ല. രാഹുല്‍ കോയമ്പത്തൂരില്‍ ഒളിച്ചുകഴിയുന്നതായുള്ള സംശയത്തെ തുടര്‍ന്ന് പൊലീസിന്റെ ഒരു സംഘം തമിഴ്‌നാട് കേന്ദ്രീകരിച്ചും അന്വേഷണം നടത്തുന്നുണ്ട്.