താമരശ്ശേരി ചുരത്തിലെ വളവുകൾ വീതികൂട്ടുന്നതിന്റെ ഭാഗമായി മുറിച്ചുമാറ്റിയ മരത്തടികൾ ക്രെയിൻ ഉപയോഗിച്ച് ലോറിയിൽ കയറ്റുന്നതിനാൽ നാളെ രാവിലെ എട്ടുമണി മുതൽ ചുരത്തിൽ ഗതാഗത നിയന്ത്രണം.

എട്ടുമണി മുതൽ ഇടവിട്ട സമയങ്ങളിൽ ചുരത്തിലെ ഗതാഗതം തടസപ്പെടുമെന്നാണ് മുന്നറിയിപ്പുള്ളത്. ഇതിനാൽ വിമാനത്താവളം, റെയിൽവേ സ്റ്റേഷൻ, പരീക്ഷകൾ തുടങ്ങി അത്യാവശ്യ യാത്രചെയ്യുന്നവർ ഗതാഗത തടസ്സം മുൻകൂട്ടി കണ്ട് യാത്രാസമയം ക്രമീകരിക്കണമെന്നും ദേശീയപാത അധികൃതർ.

താമരശ്ശേരി ചുരത്തിലെ 6,7,8 വളവുകൾ വീതികൂട്ടുന്നതിന്റെ ഭാഗമായാണ് മരങ്ങൾ മുറിച്ചത്. എട്ടാം വളവിൽ മുറിച്ചിട്ട മരങ്ങളാണ് നാളെ ലോറിയിൽ കയറ്റുന്നത്. അപ്പോഴുണ്ടാകുന്ന ​ഗതാ​ഗത തടസ്സം മുൻകൂട്ടി കണ്ടു കൊണ്ടാണ് ക്രമീകരണമേർപ്പെടുത്തിയത്.