രാഹുല് മാങ്കൂട്ടത്തിലിന്റെ മുന്കൂര് ജാമ്യാപേക്ഷ നാളെ പരിഗണിക്കും
05 DECEMBER 2025 03:24 PM IST
മലയാളി വാര്ത്ത
ബലാത്സംഗക്കേസില് മുന്കൂര് ജാമ്യം തേടി രാഹുല് മാങ്കൂട്ടത്തില് എംഎല്എ ഹൈക്കോടതിയെ സമീപിച്ചു. മുന്കൂര് ജാമ്യാപേക്ഷ നാളെ ഹൈക്കോടതി പരിഗണിക്കും. മുന്കൂര് ജാമ്യം തള്ളിയ തിരുവനന്തപുരം സെഷന്സ് കോടതിയുടെ ഉത്തരവില് പിഴവുണ്ടെന്നും പരാതിക്കാരിക്കെതിരായ തെളിവുകള് പരിഗണിച്ചില്ലെന്നും ഹൈക്കോടതിയില് സമര്പ്പിച്ച ഹര്ജിയില് രാഹുല് പറയുന്നുണ്ട്.
തനിക്കെതിരെ ബലാത്സംഗക്കുറ്റം നിലനില്ക്കില്ലെന്ന് രാഹുല് ഹര്ജിയില് വ്യക്തമാക്കി. യുവതി നടപടിക്രമങ്ങള് പാലിച്ചല്ല പരാതി നല്കിയത്. ബന്ധപ്പെട്ട സംവിധാനത്തിനല്ല മുഖ്യമന്ത്രിക്കാണ് പരാതി നല്കിയത്. എല്ലാ കാര്യങ്ങളിലും അന്വേഷണ സംഘത്തിന് വിശദീകരണം നല്കാനും സഹകരിക്കാനും തയ്യാറാണ്. താന് നിരപരാധിയെന്നും രാഹുല് മാങ്കൂട്ടത്തില് ഹര്ജിയില് വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
