മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): സമൂഹത്തിൽ അറിയപ്പെടാനും എവിടെയും മാന്യത ലഭിക്കാനുമുള്ള അവസരങ്ങൾ തേടിയെത്തുന്ന ദിവസമാണിത്. പുതിയ വാഹനം സ്വന്തമാക്കാനും തൊഴിൽ രംഗത്ത് വലിയ വിജയം കൈവരിക്കാനും സാധിക്കും. സാമ്പത്തികമായ നേട്ടങ്ങളും ഈ ദിവസത്തിന്റെ പ്രത്യേകതയാണ്.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): ശനി അനുകൂലമായി നിൽക്കുന്നത് ഗുണകരമാകുമെങ്കിലും ജാമ്യം നിൽക്കുന്നതുമായി ബന്ധപ്പെട്ട കാര്യങ്ങളിൽ അതീവ ജാഗ്രത പാലിക്കണം. സർക്കാർ തലത്തിൽ നിന്ന് ചില ദോഷഫലങ്ങൾ ഉണ്ടാകാൻ ഇടയുണ്ട്. സന്താനങ്ങളുടെ ആരോഗ്യ കാര്യത്തിൽ പ്രത്യേക ശ്രദ്ധ ആവശ്യമാണ്.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): ശത്രുക്കളിൽ നിന്നുള്ള ഉപദ്രവം വർദ്ധിക്കാൻ സാധ്യതയുള്ളതിനാൽ കരുതിയിരിക്കണം. വാതരോഗങ്ങൾ അലട്ടുന്നവർ ആരോഗ്യകാര്യത്തിൽ വിട്ടുവീഴ്ച ചെയ്യരുത്. തൊഴിൽപരമായ ക്ലേശങ്ങൾ വർദ്ധിക്കാനിടയുള്ളതിനാൽ ക്ഷമയോടെ കാര്യങ്ങളെ സമീപിക്കുക.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): കുടുംബസൗഖ്യവും രോഗശാന്തിയും ലഭിക്കുന്ന ശുഭദിനമാണിത്. ശത്രുക്കളുടെ നീക്കങ്ങൾ പരാജയപ്പെടും. സ്വത്ത് സംബന്ധമായ കേസുകളിൽ അനുകൂലമായ വിധി പ്രതീക്ഷിക്കാം. പങ്കാളിയുടെ വിലയേറിയ അഭിപ്രായങ്ങൾ പല കാര്യങ്ങളിലും വിജയം ഉറപ്പാക്കാൻ സഹായിക്കും.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): ആഗ്രഹിച്ചതുപോലെ ദമ്പതികൾക്ക് ഒന്നിച്ച് താമസിക്കാൻ സാധിക്കുന്ന രീതിയിൽ ഉദ്യോഗത്തിൽ മാറ്റങ്ങൾ ഉണ്ടാകും. മനസ്സുഖം വർദ്ധിക്കുകയും വിവാഹ കാര്യങ്ങളിൽ തീരുമാനമാകുകയും ചെയ്യും. ശത്രുദോഷം മാറിക്കിട്ടുന്ന ദിവസമാണിത്.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): വിദ്യാർത്ഥികൾക്ക് ഉറക്കക്കുറവ് അനുഭവപ്പെടാനും പഠിച്ച കാര്യങ്ങൾ മറന്നുപോകാനും സാധ്യതയുള്ളതിനാൽ കൂടുതൽ ശ്രദ്ധ കേന്ദ്രീകരിക്കണം. വരവിനേക്കാൾ ചെലവ് വർദ്ധിക്കാൻ ഇടയുള്ളതിനാൽ സാമ്പത്തിക നിയന്ത്രണം അനിവാര്യമാണ്.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): കുടുംബത്തിൽ ചെറിയ അഭിപ്രായവ്യത്യാസങ്ങൾ രൂപപ്പെടാൻ ഇടയുണ്ട്. മാതാപിതാക്കൾക്കോ അടുത്ത ബന്ധുക്കൾക്കോ ആരോഗ്യപരമായ ബുദ്ധിമുട്ടുകൾ നേരിട്ടേക്കാം. യാത്രാക്ലേശം വർദ്ധിക്കുന്ന തരത്തിലുള്ള സ്ഥലമാറ്റത്തിന് സാധ്യത കാണുന്നു.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): ബന്ധുക്കളുടെ സന്ദർശനം മനസ്സിന് സന്തോഷം നൽകും. നല്ല ഭക്ഷണസുഖവും സാമ്പത്തിക ലാഭവും ഉണ്ടാകും. പ്രണയിനികൾക്ക് വീട്ടുകാരുടെ സമ്മതത്തോടെ വിവാഹ കാര്യങ്ങളിൽ തീരുമാനമെടുക്കാൻ സാധിക്കുന്ന അനുകൂലമായ ദിവസമാണിത്.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): നിയമപരമായ തർക്കങ്ങളിൽ വിജയം കൈവരിക്കാനും സാമ്പത്തിക ലാഭം നേടാനും സാധിക്കും. തൊഴിൽ രംഗത്ത് വലിയ പുരോഗതി ദൃശ്യമാകും. സന്താനഭാഗ്യം, വിവാഹഭാഗ്യം എന്നിവയുണ്ടാകും. വ്യാപാരികൾക്ക് മന്ദത മാറി ബിസിനസ്സിൽ പുരോഗതിയുണ്ടാകും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): പോലീസ്, പട്ടാളം തുടങ്ങിയ സാഹസിക തൊഴിലുകളിൽ ഏർപ്പെട്ടിരിക്കുന്നവർക്ക് പ്രശംസയും അംഗീകാരങ്ങളും ലഭിക്കും. വളരെക്കാലമായി കാണാതിരുന്ന പഴയ സുഹൃത്തുക്കളെ കണ്ടുമുട്ടുന്നത് മനസ്സിന് ഉന്മേഷം നൽകും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): ചൊവ്വയുടെ സ്വാധീനത്താൽ ഭൂമി സംബന്ധമായ ലാഭങ്ങൾ ഉണ്ടാകാൻ ഇടയുണ്ട്. അനാവശ്യമായ കൂട്ടുകെട്ടുകൾ ഒഴിവാക്കിയില്ലെങ്കിൽ മനസ്സമാധാനം നഷ്ടപ്പെട്ടേക്കാം. ഉദരരോഗങ്ങൾ ഉള്ളവർ ഭക്ഷണ കാര്യത്തിൽ അതീവ ജാഗ്രത പാലിക്കണം.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): ആചാരാനുഷ്ഠാനങ്ങളിൽ താല്പര്യം വർദ്ധിക്കും. സഹോദരങ്ങളിൽ നിന്ന് ഗുണാനുഭവങ്ങൾ ഉണ്ടാകും. ജോലിയിൽ സ്ഥാനക്കയറ്റത്തിനും അലങ്കാര വസ്തുക്കൾ സ്വന്തമാക്കാനും യോഗമുണ്ട്. കുടുംബത്തിൽ സമാധാനവും സന്തോഷവും നിലനിൽക്കും.