അക്ഷയ തൃതീയ ദിനം ആഘോഷമാക്കാനൊരുങ്ങി ഗുരുവായൂര് ക്ഷേത്രവും...
വൈശാഖ മാസത്തിലെ പുണ്യമായ അക്ഷയ തൃതീയ ദിനം ആഘോഷമാക്കാനൊരുങ്ങി ഗുരുവായൂര് ക്ഷേത്രവും. അക്ഷയ തൃതീയ ദിനമായ ഇന്ന് ഗുരുവായൂര് ക്ഷേത്രത്തില് കഴകക്കാരുടെ വകയായി ചുറ്റുവിളക്കാഘോഷിക്കും.
ശ്രീലകത്ത് നെയ് വിളക്ക്, നിറമാല, മേളത്തോടെ കാഴ്ചശീവേലിയും വിളക്കും ഉണ്ടാകും. കാലത്ത് മേളം സന്തോഷ് മാരാരും പാര്ട്ടിയും ഉച്ചയ്ക്ക് ഗുരുവായൂര് ശശി മാരാരും പാര്ട്ടിയുമാണ്. വൈകുന്നേരം കാടാമ്പുഴ അനിരുദ്ധിന്റെ പ്രാമാണിത്വത്തില് തായമ്പകയും ഉണ്ടാവും.
രാത്രി വിളക്കിന് ഇടയ്ക്ക വിശേഷം.വിഷ്ണു മാരാര് മമ്മിയൂര് ,വിഷ്ണു മാരാര് ഗുരുവായൂര്, കൃഷ്ണപ്രസാദ് ഗുരുവായൂര്, രാഹുല് മാരാര് മമ്മിയൂര് എന്നിവര് ഇടയ്ക്കയിലും കണ്ണന്, ആനന്ദ്, അഖില്, നവനീത് കൃഷ്ണന് എന്നിവര് നാദസ്വരത്തിലും അണിനിരക്കും.
അക്ഷയ തൃതീയ ദിനത്തില് ഗുരുവായൂരപ്പന്റെ പൂജിച്ച സ്വര്ണം, വെള്ളി ലോക്കറ്റുകള് ഭക്തര്ക്ക് വാങ്ങാന് ദേവസ്വം ക്രമീകരണമൊരുക്കിയിട്ടുണ്ട്.
രണ്ട് ,മൂന്ന്, അഞ്ച്, പത്ത് ഗ്രാം സ്വര്ണ്ണ ലോക്കറ്റും വെള്ളിയുടെ അഞ്ച് ഗ്രാം ലോക്കറ്റും ലഭ്യമാണ്. ക്ഷേത്രത്തിനകത്തെ തെക്കേ കൗണ്ടറില് നിന്നും ഇവ ഭക്തര്ക്ക് വാങ്ങാനാകും. രാവിലെ 5 മുതല് ഒരു മണി വരെയും വൈകുന്നേരം 5 മുതല് രാത്രി എട്ടുമണി വരെയും ഭക്തര്ക്ക് ലോക്കറ്റ് ലഭ്യമാക്കാന് പ്രത്യേക കൗണ്ടര് പ്രവര്ത്തിക്കുന്നതാണ്.
https://www.facebook.com/Malayalivartha
