വി.ഡി സതീശൻ സർക്കാറിന്റെ ആദ്യനയപ്രഖ്യാപനം ഇന്ന്. രാവിലെ 9 മണിക്കാണ്‌ നയപ്രഖ്യാപന പ്രസംഗം. യുഡിഎഫ് ഗ്യാരണ്ടികൾ ഊന്നിയായിരിക്കും നയപ്രഖ്യാപനം ഉണ്ടാകുക.

സ്ത്രീകളുടെ സൗജന്യയാത്രയും പെൻഷനും. വയോജനവകുപ്പിനും ഊന്നൽ നൽകിയേക്കും. നയപ്രഖ്യാപന പ്രസംഗത്തിനായി എത്തുന്ന ഗവർണർ രാജേന്ദ്ര ആർലേക്കറെ മുഖ്യമന്ത്രിയും പാർലമെന്ററി കാര്യമന്ത്രി സണ്ണി ജോസഫും ചേർന്ന് സ്വീകരിക്കും.

ജൂൺ 15 മുതൽ സ്ത്രീകൾക്ക് കെ.എസ്.ആർ.ടി.സി ബസുകളിൽ സൗജന്യ യാത്ര അനുവദിക്കുന്നത് സംബന്ധിച്ച് നയപ്രഖ്യാപന പ്രസംഗത്തിൽ പരാമർശമുണ്ടാകുമെന്നാണ് സൂചന.

ക്ഷേമപെൻഷൻ 3000 രൂപയാക്കിയേക്കും, വയോജനവകുപ്പ് രൂപീകരിച്ചത് അടക്കമുള്ള പ്രഖ്യാപനങ്ങളായിരിക്കും ഉണ്ടാവുക. ദേശീയപാത നിർമ്മാണം പൂർത്തിയാക്കൽ, വിഴിഞ്ഞം പദ്ധതിയുടെ തുടർ പ്രവർത്തനങ്ങൾ, സാമ്പത്തിക സ്ഥിതി മെച്ചപ്പെടുത്തൽ, ഉന്നത വിദ്യാഭ്യാസ മേഖലയിലെ മുന്നോട്ട് പോക്ക്, പിന്നോക്ക വിഭാഗങ്ങൾക്ക് നൽകേണ്ട പിന്തുണകൾ അടക്കം നയപ്രഖ്യാപന പ്രസംഗത്തിൽ ഉണ്ടാകുമെന്നാണ് സൂചനകളുള്ളത്.