മാസപ്പടി കേസിൽ വീണ വിജയനെതിരെ അതീവ ഗുരുതരമായ കണ്ടെത്തലുകളുമായി ഇ.ഡി. റെയ്ഡിൽ പിടിച്ചെടുത്ത ഡയറിയിൽ നിന്ന് ദുബായിലേക്ക് 85 ലക്ഷം രൂപ ഹവാലയായി അയച്ചതിന്റെയും 20 കോടിയുടെ സമാന്തര ഇടപാടുകളുടെയും വിവരങ്ങൾ ലഭിച്ചെന്നാണ് കേന്ദ്ര ഏജൻസിയുടെ പുതിയ വെളിപ്പെടുത്തൽ. ഇതിന് പുറമെ, രഹസ്യ ആശയവിനിമയത്തിനായി ഡി വൈ എഫ് ഐ നേതാവിന്റെ പേരിൽ വ്യാജ സിം കാർഡ് എടുത്തു നൽകിയെന്ന മൊഴിയും പുറത്തുവന്നിട്ടുണ്ട്. അടുത്തയാഴ്ച വീണയെ ഇ.ഡി വീണ്ടും ചോദ്യം ചെയ്യും.