മത്സ്യത്തൊഴിലാളികളെ ചേര്‍ത്തു നിര്‍ത്തുന്ന ഈ സര്‍ക്കാര്‍ അവരുടെ പ്രശ്‌നങ്ങള്‍ക്ക് പ്രഥമ പരിഗണനയാണ് നല്‍കുന്നതെന്ന് തൊഴില്‍, വനിത-ശിശുവികസന, മൃഗസംരക്ഷണ, ക്ഷീര വികസന വകുപ്പ് മന്ത്രി ബിന്ദു കൃഷ്ണ പറഞ്ഞു. കൊല്ലം മത്സ്യഭവന്റെ നേതൃത്വത്തില്‍ വാടി കോസ്റ്റല്‍ പബ്ലിക് ലൈബ്രറിയില്‍ സംഘടിപ്പിച്ച ഫിഷറീസ് വകുപ്പിന്റെ തീരോന്നതി പദ്ധതിയുടെ ഭാഗമായ 'അറിവ്' ബോധവത്കരണ പരിപാടിയും രക്ഷാപ്രവര്‍ത്തനങ്ങളില്‍ പങ്കെടുത്ത മത്സ്യത്തൊഴിലാളികളെ ആദരിക്കലും ഉദ്ഘാടനം ചെയ്യുകയായിരുന്നു മന്ത്രി മന്ത്രി ബിന്ദു കൃഷ്ണ.

സ്നേഹിച്ചാല്‍ ചങ്ക് പറിച്ചു തരുന്നവരാണ് കൊല്ലത്തെ മത്സ്യത്തൊഴിലാളികള്‍. എന്നിട്ടും പ്രളയകാലത്തും, ഓഖി സമയത്തും രക്ഷാപ്രവര്‍ത്തനത്തിന് മുന്നിട്ടിറങ്ങിയ നമ്മുടെ മത്സ്യത്തൊഴിലാളികള്‍ക്ക് വേണ്ടി കഴിഞ്ഞ സര്‍ക്കാര്‍ ഒന്നും ചെയ്തില്ലെന്ന് മന്ത്രി പറഞ്ഞു. യാതൊരു അടിസ്ഥാന സൗകര്യങ്ങളുമില്ലാത്ത ഭവനങ്ങളാണ് പലയിടത്തും മത്സ്യത്തൊഴിലാളികള്‍ക്ക് നിര്‍മ്മിച്ച് നല്‍കിയത്.

രക്ഷാപ്രവര്‍ത്തനത്തിനിടയിലും മറ്റും വള്ളങ്ങള്‍ നഷ്ടപ്പെട്ടവര്‍ക്ക് ഒരു രൂപ പോലും നല്‍കിയില്ല. കേരളത്തിന്റെ സൈന്യമെന്നൊക്കെ വിളിച്ചെങ്കിലും പരിതാപകരമാണ് മത്സ്യത്തൊഴിലാളികളുടെ അവസ്ഥയെന്നും മന്ത്രി പറഞ്ഞു.