സങ്കടക്കാഴ്ചയായി... ആഡൂർ പാലത്തിനടുത്ത് സ്വകാര്യ ബസിടിച്ച് സ്‌കൂട്ടർ യാത്രക്കാരന് ദാരുണാന്ത്യം. മാവിലായി മുണ്ടയോട് ശ്രേയസിൽ പി സരസനാണ് (54) മരിച്ചത്. ഇന്ന് രാവിലെ ഏഴു മണിയോടെയാണ് സംഭവം നടന്നത്.

കണ്ണൂരിലേക്ക് പോവുകയായിരുന്ന നബീൽ ബസ്, മുന്നിൽ സഞ്ചരിക്കുകയായിരുന്ന സ്കൂട്ടറിൽ ഇടിക്കുകയായിരുന്നു. ഇടിയുടെ ആ ഘാതത്തിൽ റോഡിലേക്ക് തെറിച്ചുവീണ സരസൻ തൽക്ഷണം മരണമടഞ്ഞു. എടക്കാട് പൊലീസ് സ്ഥലത്തെത്തി തുടർനടപടികൾ സ്വീകരിക്കുകയും ചെയ്തു.
കണ്ണൂർ പിള്ളയാർ കോവിൽ ജീവനക്കാരനായ സരസൻ സിപിഐ എം സംസ്ഥാന കമ്മിറ്റി അംഗം പി ശശിയുടെ സഹോദരനാണ്.

കണ്ണൂരിലെ ജോലിസ്ഥലത്തേയ്ക്ക് പോകവേയാണ് അപകടം സംഭവിച്ചത്. ബസിൻ്റെ അമിതവേഗതയാണ് അപകടത്തിന് കാരണമെന്നാണ് നാട്ടുകാരുടെ ആരോപണം . ഭാര്യ: അനിഷ. ഒരു മകളുണ്ട്.