ബിജെപിയുടെ വളര്‍ച്ച ആശങ്കാജനകമെന്ന് സിപിഎം കേന്ദ്ര കമ്മിറ്റിയില്‍ വിലയിരുത്തല്‍ . ജനവികാരം തിരിച്ചറിയാന്‍ പാര്‍ട്ടി ഘടകങ്ങള്‍ക്കായില്ലെന്നും ദേശീയ രാഷ്ട്രീയ സാഹചര്യങ്ങള് വിലയിരുത്തുന്നതില് പൊളിറ്റ്ബ്യൂറോയ്ക്ക് തെറ്റ് പറ്റിയെന്നും തെരഞ്ഞെടുപ്പ് അവലോകന റിപ്പോര്‍ട്ട് നിരീക്ഷിക്കുന്നു.

കേന്ദ്രകമ്മിറ്റി യോഗത്തില്‍ പാര്‍ട്ടി ജനറല്‍ സെക്രട്ടറി പ്രകാശ് കാരാട്ട് അവതരിപ്പിച്ച തെരഞ്ഞെടുപ്പ് അവലോകന റിപ്പോര്‍ട്ടിലാണ് കേരളത്തിലേയും ബംഗാളിലേയും ബിജെപിയുടെ വളര്‍ച്ച ആശങ്കാജനകമാണെന്ന വിലയിരുത്തല്‍ ഉണ്ടായത്.

ജനവികാരം മനസിലാക്കാന്‍ കഴിയാത്തതും മതേതര മുന്നണി രൂപീകരിക്കാന്‍ കഴിയാത്തതും തെരഞ്ഞെടുപ്പില്‍ പാര്‍ട്ടിക്ക് തിരിച്ചടിയായി. സഖ്യസാധ്യകള് തേടുന്നതില് നേതൃത്വം പരാജയപ്പെട്ടു. തമിഴ്‌നാട്ടില്‍ എഐഎഡിഎംകെയുമായും ആന്ധ്രാപ്രദേശില് വൈ.എസ്.ആര് കോണ്ഗ്രസുമായും സഖ്യമുണ്ടാക്കാന് ശ്രമിച്ചെങ്കിലും കഴിഞ്ഞില്ല.

കേരളത്തിലും ബംഗാളിലും അനുകൂല സാഹചര്യം ഉണ്ടായിട്ടും പ്രതീക്ഷിച്ച വിജയം ലഭിച്ചില്ല. കേരളത്തില് പതിനാലോളം സീറ്റുകള് ലഭിക്കുമെന്നായിരുന്നു പ്രതീക്ഷയെന്നും അവലോകന റിപ്പോര്ട്ടില് പറയുന്നു. കേരളത്തിലും പശ്ചിമ ബംഗാളില്‍ ബിജെപി വന്‍ മുന്നേറ്റമാണ് നടത്തിയത്. പശ്ചിമ ബംഗാളില്‍ ബിജെപിക്ക് രണ്ട് സീറ്റ് നേടാനായി. പതിനേഴ് ശതമാനം വോട്ടുകളാണ് ഇത്തവണ ബിജെപിക്ക് ലഭിച്ചത്.

കേരളത്തില്‍ തിരുവനന്തപുരത്ത് ബിജെപി സ്ഥാനാര്‍ത്ഥി രണ്ടാംസ്ഥാനത്തെത്തി. പല മണ്ഡലങ്ങളിലും ബിജെപി സ്ഥാനാര്‍ത്ഥികള്‍ ഒരു ലക്ഷത്തിലധികം വോട്ടുകള്‍ നേടി. കഴിഞ്ഞ തവണ ബിജെപിക്ക് 7 ശതമാനം വോട്ടുകളാണ് ലഭിച്ചതെങ്കില്‍ ഇത്തവണ പത്ത് ശതമാനത്തിലധികം വോട്ടുകള്‍ ലഭിച്ചു തുടങ്ങിയ നിരീക്ഷണങ്ങളും തെരഞ്ഞെടുപ്പ് അവലോകന റിപ്പോര്‍ട്ടിലുണ്ട്. നിലവിലെ സ്ഥിതി തുടര്‍ന്നാല്‍ ഭാവിയില്‍ പാര്‍ട്ടിക്ക് വന്‍തിരിച്ചടി നേരിടേണ്ടി വരുമെന്ന അഭിപ്രായവും ഉയര്‍ന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha