പ്രണയനൈരാശ്യം; ചലച്ചിത്ര നടിക്കുനേരെ ടിവി താരത്തിന്റെ നടുറോഡില് വച്ചുള്ള കയ്യേറ്റശ്രമം; ഒന്പതു വര്ഷത്തോളം ഇവര് ലിവ്-ഇന് റിലേഷനില് കഴിഞ്ഞുവരികയായിരുന്നു ഇവര്
നടി സയന്തിക ബാനര്ജിയുടെ പരാതിയുടെ അടിസ്ഥാനത്തിലാണ് ശനിയാഴ്ച രാവിലെ ദക്ഷിണ കൊല്ക്കത്തയിലെ വസതിയില് നിന്ന് ജോയ് കുമാര് മുഖര്ജിയെ അറസ്റ്റ് ചെയ്യുകയായിരുന്നു. ചലച്ചിത്ര നടിയ്ക്കും സഹോദരനും നേരെ കയ്യേറ്റം നടത്തിയെന്നായിരുന്നു പരാതി വെള്ളിയാഴ്ച രാത്രിയാണ് ജോയ്ക്കെതിരെ നടിയുടെ പിതാവ് ടോളിഗഞ്ച് പോലീസ് സ്റ്റേഷനില് പരാതി നല്കിയത്.
എന്നാല് അലിപ്പോര് കോടതിയില് ഹാജരാക്കിയ പ്രതിക്ക് ജാമ്യം അനുവദിച്ചു. ജോയ്യും സയന്തികയും നേരത്തേ സുഹൃത്തുക്കളായിരുന്നു. ഒന്പതു വര്ഷത്തോളം ഇവര് ലിവ്-ഇന് റിലേഷനില് കഴിഞ്ഞുവരികയായിരുന്നു. എന്നാല് ഇവര് അടുത്തിടെയാണു പിരിഞ്ഞത്. കഴിഞ്ഞ ദിവസം റോഡില് സയന്തികയുടെ കാര് ജോയ് തടയുകയും ചീത്ത വിളിക്കുകയുംചെയ്തു. സയന്തികയുടെ സഹോദരനും ഒപ്പമുണ്ടായിരുന്നു. അദ്ദേഹത്തിനു നേരെയും ജോയ്യുടെ ആക്രമണമുണ്ടായി.
സംഭവത്തില് സയന്തികയ്ക്കു പരുക്കുകളുണ്ടായിരുന്നില്ല. എന്നാല് നടിയുടെ പിതാവിന്റെ പൊലീസ് കേസെടുത്തത്. സൗത്ത് കൊല്ക്കത്തയില് ജോയ്യും സയന്തികയും ചേര്ന്ന് ഒരു ഫ്ലാറ്റും വാങ്ങിയിരുന്നു. 60 ലക്ഷത്തിന്റെ ഫ്ലാറ്റ് വാങ്ങിയപ്പോള് അഞ്ചു ലക്ഷം മാത്രമാണു സയന്തിക നല്കിയത്. 25 ലക്ഷം രൂപ ആവശ്യപ്പെട്ടതിന്റെ പേരിലായിരുന്നു വഴക്കെന്നും ജോയ്യുടെ സഹോദരന് പോലീസിനോട് പറഞ്ഞത്.
https://www.facebook.com/Malayalivartha
