രാജ്യത്തുള്ള എല്ലാ മദര്‍ തെരേസ മിഷനറി ഹോമുകളിലും പരിശോധന നടത്താന്‍ സംസ്ഥാനങ്ങള്‍ക്ക് കേന്ദസര്‍ക്കാരിന്റെ ഉത്തരവ്
രാജ്യത്തെ എല്ലാ മദര്‍ തെരേസ മിഷനറി ഹോമുകളിലും പരിശോധന നടത്താന്‍ സംസ്ഥാനങ്ങള്‍ക്ക് കേന്ദസര്‍ക്കാരിന്റെ ഉത്തരവ്. ജാര്‍ഖണ്ഡിലെ മിഷനറിക്ക് കീഴിലുള്ള കേന്ദ്രങ്ങളില്‍ നിന്ന് കുട്ടികളെ അനധികൃതമായി ദത്തുനല്‍കുന്നുവെന്ന പരാതികളെത്തുടര്‍ന്ന് വനിതാ ശിശുക്ഷേമ മന്ത്രി മനേക ഗാന്ധിയാണ് അന്വേഷണത്തിന് ഉത്തരവിട്ടത്.
മാത്രമല്ല എല്ലാ ശിശുക്ഷേമ സമിതികളും, ദത്തെടുക്കല്‍ മേഖലയില്‍ കേന്ദ്രസര്‍ക്കാരിന്റെ അധീനതയില്‍ പ്രവര്‍ത്തിക്കുന്ന സെന്‍ട്രല്‍ അഡോപ്ഷന്‍ റിസോഴ്‌സ് അതോറിറ്റിയില്‍ (കേറ)രജിസ്റ്റ്ര്‍ ചെയ്തിട്ടുണ്ടെന്ന് അതാത് സംസ്ഥാനങ്ങള്‍ ഉറപ്പുവരുത്തണ്ടതാണെന്നും ഉത്തരവിലുണ്ട്.
ജുവനൈല്‍ ജസ്റ്റിസ് ആക്ട് നിലവില്‍ വന്നതിനെ തുടര്‍ന്ന് രാജ്യത്തെ എല്ലാ ശിശുക്ഷേമ സമിതികളും നിര്‍ബന്ധമായും കേറയില്‍ രജിസ്റ്റര്‍ ചെയ്യണമെന്ന് കേന്ദ്രം നിര്‍ദ്ദേശം നല്‍കിയിരുന്നു. എന്നാല്‍ ഇതുവരെ 2300 ശിശുക്ഷേമ സമിതികള്‍ മാത്രമാണ് രജിസ്റ്റര്‍ ചെയ്തിട്ടുള്ളത്. ബാക്കിയുള്ള നാലായിരത്തോളം സമിതികള്‍ ഇനിയും രജിസ്‌ട്രേഷന്‍ നടപടികള്‍ പൂര്‍ത്തീകരിക്കാതെയാണ് പ്രവര്‍ത്തിച്ചുവരുന്നത്.
ചൈല്‍ഡ് പ്രൊട്ടക്ഷന്‍ കമ്മിഷന്റെ കണക്ക് പ്രകാരം രാജ്യത്തെമ്പാടുമുള്ള ശിശുക്ഷേമസമിതികളിലായി 2.30 ലക്ഷം കുട്ടികള്‍ അധിവസിക്കുന്നുണ്ട്.
https://www.facebook.com/Malayalivartha
