ഗോഹത്യയുടെ പേരിലുള്ള ആള്‍ക്കൂട്ട കൊലപാതകങ്ങള്‍ തടയാന്‍ നിയമം കൊണ്ടുവരണമെന്ന് സുപ്രീംകോടതി. ഇത്തരം ആക്രമണങ്ങള്‍ തടയാന്‍ ശക്തമായ നടപടികള്‍ സര്‍ക്കാര്‍ കൈക്കൊള്ളണം. ഒരിക്കലും സംഭവിക്കാന്‍ പാടില്ലാത്ത അക്രമങ്ങളാണ് നടക്കുന്നതെന്നും സുപ്രീംകോടതി ചൂണ്ടിക്കാട്ടി. ജനാധിപത്യത്തില്‍ ആള്‍ക്കൂട്ട നിയമം അനുവദിക്കാനാവില്ല.
പശുവിന്റെ പേരില്‍ നടക്കുന്നത് സംഭവിക്കാന്‍ പാടില്ലാത്ത അക്രമങ്ങളാണ്. ഇതിനായി നിയമം കൊണ്ടുവരണം. ക്രമസമാധാനം ഉറപ്പാക്കേണ്ടത് കേന്ദ്രസര്‍ക്കാരാണെന്ന് കോടതി പറഞ്ഞു. നിയമം കൈയ്യിലെടുക്കാന്‍ പൗരന് അവകാശമില്ല. ജനങ്ങളുടെ സുരക്ഷ ഉറപ്പാക്കാന്‍ സര്‍ക്കാരിന് ബാധ്യതയുണ്ട്. കേന്ദ്രം രണ്ടാഴ്ചയ്ക്കകം നിലപാട് അറിയിക്കണമെന്നും കോടതി ആവശ്യപ്പെട്ടു.