ഉത്തരാഖണ്ഡില്‍ ബസ് 250 മീറ്റര്‍ താഴ്ചയുള്ള കൊക്കയിലേക്ക് മറിഞ്ഞ് പത്ത് പേര്‍ മരിച്ചു. ഒമ്പതോളം പേര്‍ക്ക് പരിക്ക്. ഋഷികേഷ് ഗംഗോത്രി ഹൈവേയില്‍ ഇന്ന് രാവിലെയായിരുന്നു അപകടം നടന്നത്. പരിക്ക് പറ്റിയവരുടെ നില ഗുരുതരമാണ്. ഇവരെ സമീപത്തെ ആശുപത്രിയില്‍ പ്രവേശിപ്പിച്ചു.

ഉത്തരാഖണ്ഡ് ട്രാന്‍സ്‌പോര്‍ട്ട് കോര്‍പ്പറേഷന്‍ ബസ് ആണ് അപകടത്തില്‍ പെട്ടത്.അപകടം ഉണ്ടായതിന് പിന്നാലെ പ്രാദേശിക അധികാരികളും പൊലീസും സ്ഥലത്തെത്തി രക്ഷാപ്രവര്‍ത്തനം ആരംഭിക്കുകയായിരുന്നു. അപകടത്തില്‍ പെടുമ്പോള്‍ ബസില്‍ 25 യാത്രക്കാരുണ്ടായിരുന്നുവെന്നാണ് പൊലീസ് പറയുന്നത്. ഉത്തരാഖണ്ഡിലെ ഏറ്റവും തിരക്കുള്ള ഹൈവേകളില്‍ ഒന്നാണ് ഋഷികേഷ് ഗംഗോത്രി. അതേസമയം, അപകടകാരണം ഇതുവരെ വ്യക്തമായിട്ടില്ല.