സ്വന്തം മക്കളെ കാണാൻ ശ്രമിച്ച പിതാവിനെ ജനക്കൂട്ടം ക്രൂരമായി മര്‍ദ്ദിച്ചുവെന്ന് റിപ്പോര്‍ട്ട്. ഭാര്യയുമായി പിരിഞ്ഞു കഴിയുന്ന മഹേഷ് ബാബു എന്ന യുവാവാണ് മക്കളുടെ സ്‌കൂള്‍ ബസ് വരുന്ന വഴിയില്‍ കാത്തു നിന്ന് കുട്ടികളെ കാണാന്‍ ശ്രമിച്ചത്. എന്നാല്‍ കുട്ടികളെ തട്ടിക്കൊണ്ടു പോകാന്‍ വന്നതാണെന്നാരോപിച്ച് ജനക്കൂട്ടം മര്‍ദിക്കുകയായിരുന്നു.

സത്യം പറഞ്ഞിട്ടും അക്രമികള്‍ വിശ്വസിച്ചില്ല. മഹേഷ് ബാബുവിനൊപ്പം മറ്റ് മൂന്നു പേര്‍ക്കും മര്‍ദനമേറ്റു. പോലീസ് എത്തിയാണ് ഇവരെ രക്ഷിച്ചത്. മൂന്നു മാസമായി ഭാര്യ ആശയുമായി പിരിഞ്ഞു കഴിയുകയാണ് മഹേഷ്. ഒമ്പതും നാലും വയസ്സുള്ള ഇവരുടെ കുട്ടികള്‍ ഭാര്യക്ക് ഒപ്പമാണ് താമസം. കുട്ടികളെ കാണാന്‍ ഭാര്യയും ബന്ധുക്കളും അനുവദിക്കാത്തതിനാലാണ് സ്‌കൂള്‍ ബസ് തടഞ്ഞ് കാണാന്‍ ശ്രമിച്ചത്.