മോഡി സർക്കാറിനെതിരായ ആദ്യ അവിശ്വാസ പ്രമേയം ഇന്ന്​ അവതരിപ്പിക്കും. ഈ അവസരത്തിൽ നിഷ്​പക്ഷ കക്ഷികളെ കൂട്ടുപിടിച്ച്​ ബി.ജെ.പി ദേശീയാധ്യക്ഷൻ അമിത്​ ഷാ. എ.ഐ.എ.ഡി.എം.കെ, ചന്ദ്രശേഖര റാവുവിന്റെ തെലങ്കാന രാഷ്​ട്ര സമിതി എന്നീ പാർട്ടി നേതാക്കളുമായി അമിത്​ ഷാ കൂടിക്കാഴ്​ച നടത്തി.

എ.​െഎ.എ.ഡി.എം.കെയും തെലങ്കാന രാഷ്​ട്ര സമിതിയും സർക്കാറിന്​ അനുകൂലമായി നിലപാടെടുക്കുമെന്നാണ് ​സൂചന. അതേസമയം, സഖ്യകക്ഷിയായ ശിവസേന അവസാന നിമിഷം സർക്കാറിന്​ അനുകൂലമായി വോട്ടു ചെയ്യാനാവ​ശ്യപ്പെട്ട്​ നൽകിയ വിപ്പ് പിൻവലിച്ചു​. നവീൻ പട്​നായിക്കി​ന്റെ ബി.ജെ.ഡി വോട്ടെടുപ്പിൽ നിന്ന്​ വിട്ടു നിൽക്കും. 533 അംഗ സഭയിൽ എൻ.ഡി.എക്ക്​ 314 അംഗങ്ങളുണ്ട്​. 267 പേർ പിന്തുണച്ചാൽ ഭൂരിപക്ഷം ലഭിക്കും. അതേസമയം 152 പേർ അവിശ്വാസ പ്രമേയത്തെ പിന്തുണക്കുന്നു.