ചെന്നൈ തരമണിയിൽ നിർമാണത്തിലിരുന്ന കെട്ടിടം തകർന്ന് വീണ് ഒരാൾ മരിച്ചു. 17 ​തൊഴിലാളികളെ ഗുരുതരമായ പരിക്കുകളോടെ ആശുപത്രിയിൽ പ്രവേശിപ്പിച്ചു. ഇതര സംസ്ഥാന തൊഴിലാളികളായ ഇരുപതോളം പേരെ രക്ഷപെടുത്തി. ശനിയാഴ്​ച രാത്രിയോടെയാണ്​ അപകടമുണ്ടായത്​.

കെട്ടിടം തകർന്ന് വീഴുമ്പോൾ നാൽപതിലധികം തൊഴിലാളികൾ അകത്തുണ്ടായിരുന്നെന്നാണ് പൊലീസ് പറയുന്നത്. തകരുന്ന ശബ്ദം കേട്ട് ഇവർ പുറത്തേക്ക് ഓടിയതിനാൽ വൻ ദുരന്തം ഒഴിവായി. കൂടുതൽ പേർ കെട്ടിടത്തിനിടയിൽ കുടുങ്ങിക്കിടക്കുന്നുണ്ടോ എന്ന സംശയത്തിൽ രക്ഷാ പ്രവർത്തനം തുടരുകയാണ്.