പ്രധാനമന്ത്രി നരേന്ദ്രമോദിയുടെ ജനപ്രീതി വര്ധിക്കുമ്പോൾ ആള്ക്കൂട്ട കൊലപാതകങ്ങള് ഉണ്ടാവുമെന്ന് കേന്ദ്രമന്ത്രി
ആൾക്കൂട്ട കൊലപാതകത്തിൽ വിവാദപ്രസ്താവനയുമായി കേന്ദ്രമന്ത്രി അര്ജുന് രാം മേഗ്വാല് രംഗത്ത് .രാജസ്ഥാനിലെ ആള്വാറില് പശുവിന്റെ പേരില് ആള്ക്കൂട്ട കൊലപാതകം നടന്നതിന് പിന്നാലെയായിരുന്നു മന്ത്രിയുടെ വിവാദ പ്രസ്താവന.
പ്രധാനമന്ത്രി നരേന്ദ്രമോദിയുടെ ജനപ്രീതി വര്ധിക്കുമ്പോൾ ആള്ക്കൂട്ട കൊലപാതകങ്ങള് ഉണ്ടാവുമെന്ന് അര്ജുന് രാം മേഗ്വാല് പറഞ്ഞു .യു.പി, ബീഹാര് തെരഞ്ഞെടുപ്പുകള് നടക്കുമ്പോൾ ആള്ക്കൂട്ടകൊലപാതകങ്ങള് ഉണ്ടായിരുന്നു. 2019ല് ലോക്സഭ തെരഞ്ഞെടുപ്പ് വരികയാണ്. അപ്പോഴും സമാന സംഭവങ്ങള് ആവര്ത്തിക്കപ്പെടും. മോദിയുടെ നയങ്ങളുടെ ജനപ്രീതി വര്ധിക്കുമ്പോഴാ ഇത്തരം സംഭവങ്ങള് ആവര്ത്തിക്കുന്നതെന്ന് രാം മേഗ്വാല് പറഞ്ഞു.ആള്ക്കൂട്ടകൊലപാതകങ്ങള് അപലപിക്കപ്പെടേണ്ടതാണ്. പക്ഷേ ചരിത്രത്തില് ഇത് ആദ്യത്തെ സംഭവമല്ല. ഇത് തടയാന് നീക്കങ്ങളുണ്ടാവണമെന്നും അദ്ദേഹം ആവശ്യപ്പെട്ടു.
ആള്വാറിലെ രാംഗര് ഏരിയയില് പശുക്കടത്ത് ഹരിയാന സ്വദേശി അക്ബര് ഖാന് മര്ദനമേറ്റു മരിച്ചതിന് പിന്നാലെയാണ് കേന്ദ്രമന്ത്രിയുടെ വിവാദ പ്രസ്താവന പുറത്ത് വന്നിരിക്കുന്നത്.
https://www.facebook.com/Malayalivartha
