എല്ലാം ഭീതിപരത്തല്‍ തന്നെ...അര്‍ധരാത്രിയോടെ വാട്‌സ്ആപ്പിനോട് ബൈ പറയൂ..: ഭീതി ജനിപ്പിക്കുന്ന സന്ദേശത്തിനു പിന്നില്‍ ഇതാണ്
ഉപഭോക്താക്കളുടെ വാട്‌സ്ആപ്പ് വിവരങ്ങള്‍ ഫെയ്‌സ്ബുക്കിന് കൈമാറുമെന്ന തരത്തില്‍ വ്യാപകമായി പ്രചരിക്കുന്നത് വ്യാജ സന്ദേശം. വാട്‌സ്ആപ്പിനെ ഫെയ്‌സ്ബുക്ക് ഏറ്റെടുത്തതിനു ശേഷമുള്ള പുതിയ സ്വകാര്യനയം ഞായറാഴ്ച പ്രാബല്യത്തില്‍ വരുമെന്നു വാട്‌സ്ആപ്പ് വിവരങ്ങള്‍ കൈമാറുന്നതിനോട് താല്‍പര്യം ഇല്ലെങ്കില്‍ ഇന്ന് അര്‍ധരാത്രിയോടെ വാട്‌സ്ആപ്പിനോട് വിട പറയണമെന്ന തരത്തിലാണ് സന്ദേശം പ്രചരിക്കുന്നത്. ഏതൊക്കെ വിവരങ്ങള്‍ ഫെയ്‌സ്ബുക്കിന് കൈമാറണമെന്ന് തീരുമാനിക്കാനുള്ള അധികാരം ഉപഭോക്താവിന് നല്‍കണമെന്നും. വാട്‌സ്ആപ്പ് വിട്ടുപോയവരുടെ വിവരങ്ങള്‍ ഫെയ്‌സ്ബുക്കിന് കൈമാറരുതെന്നും, ഉപഭോക്താക്കളുടെ അനുമതിയില്ലാതെ ഒരു തരത്തിലുള്ള വിവരങ്ങളും ഫെയ്‌സ്ബുക്കില്‍ പങ്കുവെയ്ക്കരുതെന്നും കോടതി പറഞ്ഞതായും വ്യാജ സന്ദേശത്തിലുണ്ട്.
2016 ല്‍ ഇതു സംബന്ധിച്ച് വാര്‍ത്ത എത്തിയിരുന്നുവെങ്കിലും ഉപഭോക്താവിന്റെ സമ്മതമില്ലാതെ ഇത് സാധിക്കില്ലെന്ന് ഫെയ്‌സ്ബുക്കും വാട്‌സ്ആപ്പും വ്യക്തമാക്കിയിരുന്നു. അതിന് പ്രത്യേക സൗകര്യവും വാട്‌സ്ആപ്പ് ഒരുക്കിയിരുന്നു. ആള്‍ക്കൂട്ട കൊലപാതകവുമായി ബന്ധപ്പെട്ട് വാട്‌സ്ആപ്പില്‍ വ്യാജസന്ദേശങ്ങള്‍ പ്രചരിക്കുന്നതിനെതിരെ കേന്ദ്രസര്‍ക്കാര്‍ രംഗത്തെത്തിയിരുന്നു. ഇതിന്റെ അടിസ്ഥാനത്തില്‍ അഞ്ചിലധികം പേര്‍ക്ക് സന്ദേശങ്ങള്‍ ഒരുമ്മിച്ച് അയയ്ക്കാനുളള സംവിധാനം വാട്‌സ്ആപ്പ് നിര്‍ത്തലാക്കിയിരുന്നു. ഈ വാര്‍ത്തയ്ക്ക് പിന്നാലെയാണ് ഈ വ്യാജസന്ദേശം പ്രചരിക്കുന്നത്
https://www.facebook.com/Malayalivartha
