സര്‍ക്കാര്‍ ജോലികളിലും വിദ്യാഭ്യാസ സ്ഥാപനങ്ങളിലും സംവരണം ആവശ്യപ്പെട്ട് മഹാരാഷ്ട്രയില്‍ മറാത്ത വിഭാഗം നടത്തിവന്ന പ്രക്ഷോഭങ്ങളുടെ പശ്ചാത്തലത്തില്‍ സര്‍ക്കാര്‍ സര്‍വകക്ഷി യോഗം വിളിച്ചു. ശനിയാഴ്ചയാണ് സര്‍വകക്ഷി യോഗം. സമരക്കാരുമായി ഒത്തുതീര്‍പ്പ് ചര്‍ച്ചകള്‍ക്ക് തയാറാണെന്ന് മുഖ്യമന്ത്രി ദേവേന്ദ്ര ഫട്‌നാവിസ് വ്യക്തമാക്കിയതിനെ തുടര്‍ന്നാണ് പ്രതിഷേധക്കാര്‍ കഴിഞ്ഞ ദിവസം സമരം പിന്‍വലിച്ചത്.

പ്രക്ഷോഭത്തിന് പിന്തുണ പ്രഖ്യാപിച്ച് മൂന്ന് എംഎല്‍എമാര്‍കൂടി രംഗത്തെത്തിയിരുന്നു. നിരവധി പ്രക്ഷോഭകാരികള്‍ കഴിഞ്ഞ ദിവസം ജീവനൊടുക്കുകയും ചെയ്തിരുന്നു.