ഇന്ത്യയില്‍ ഹിന്ദുത്വം നിലനിര്‍ത്താന്‍ ഹിന്ദു ദമ്പതികള്‍ കുറഞ്ഞത് അഞ്ച് കുട്ടികൾക്കെങ്കിലും ജന്മം നൽകണം ; വിവാദ പരാമർശവുമായി ബിജെപി എംഎല്‍എ
ഇന്ത്യയില്‍ ഹിന്ദുത്വം നിലനിര്‍ത്താന്‍ ഹിന്ദു ദമ്പതികള്‍ കുറഞ്ഞത് അഞ്ച് കുട്ടികൾക്കെങ്കിലും ജന്മം നൽകണമെന്ന് ഉത്തര്‍പ്രദേശിലെ രോഹനിയാ ബിജെപി എംഎല്‍എ സുരേന്ദ്രസിംഗ്. വര്‍ധിച്ചുവരുന്ന ബലാത്സംഗങ്ങള്‍ അവസാനിപ്പിക്കാന്‍ ഭഗവാന്‍ ശ്രീരാമന് പോലും കഴിയില്ലെന്ന പ്രസ്താവന വിവാദമായതിന് പിന്നാലെയാണ് സുരേന്ദ്ര സിംഗിന്റെ പുതിയ പരാമര്‍ശം. ഹിന്ദുക്കള്‍ ന്യൂനപക്ഷമായി തീരാന്‍ കാരണം തീവ്രവാദികളല്ല ഹിന്ദുക്കള്‍ തന്നെയാണ് ന്യൂനപക്ഷമാകാതിക്കാന്‍ ഹിന്ദുക്കള്‍ കൂടുതല്‍ കുട്ടികള്‍ക്ക് ജന്മം നൽകണം. വാര്‍ത്താ ഏജന്‍സിയായ എന്‍ഐഎയോടാണ് സുരേന്ദ്രസിങ് ഇത്തരത്തിൽ പ്രതികരിച്ചത്.
ദൈവത്തിന്റെ വരദാനമാണ് കുട്ടികള്‍. ഇന്ത്യയില്‍ ഹിന്ദുക്കളുടെ എണ്ണം കുറഞ്ഞുവരികയും മറ്റു മതസ്ഥരുടെ എണ്ണം കൂടുകയും ചെയ്യുന്നു. എല്ലാ ഹിന്ദു ദമ്പതിമാര്‍ക്കും അഞ്ച് കുട്ടികളെങ്കിലും വേണമെന്നാണ് എല്ലാ ആത്മീയ നേതാക്കളുടേയും ആഗ്രഹം. അതിലൂടെയാണ് ഹിന്ദുത്വം നിലനിര്‍ത്താനും ജനസംഖ്യ വര്‍ധിപ്പിക്കാനും സാധിക്കുന്നതെന്ന് സുരേന്ദ്രസിങ് പറഞ്ഞു..
https://www.facebook.com/Malayalivartha
