പ്രളയബാധിത പ്രദേശങ്ങള്‍ സന്ദര്‍ശിക്കുന്നതിനായി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി കേരളത്തില്‍; വിവിധ ദുരിതാശ്വാസകേന്ദ്രങ്ങള്‍ സന്ദര്‍ശിക്കും, കോണ്‍ഗ്രസ് പ്രവര്‍ത്തകര്‍ ശുചീകരണ യജ്ഞത്തില്‍ സജീവമാകാന്‍ രാഹുല്‍ ഗാന്ധിയുടെ സന്ദര്‍ശനം ഉപകരിക്കും
പ്രളയബാധിത പ്രദേശങ്ങള്‍ സന്ദര്‍ശിക്കുന്നതിനായി കോണ്‍ഗ്രസ് അധ്യക്ഷന്‍ രാഹുല്‍ഗാന്ധി കേരളത്തിലെത്തി. തിരുവനന്തപുരത്ത് എത്തിയ രാഹുല്‍ ഹെലികോപ്ടറില്‍ ചെങ്ങന്നൂരിലേക്ക് പോകും. ഒരു മണിക്കൂറോളം ദുരിതബാധിതരോടൊപ്പം ചെലവഴിച്ചശേഷം ആലപ്പുഴയില്‍ ദുരിതാശ്വാസ ക്യാമ്പ് സന്ദര്‍ശിക്കും. തുടര്‍ന്ന് കാംലോട്ട് കണ്‍വന്‍ഷന്‍ സെന്ററില്‍ പ്രളയത്തിലകപ്പെട്ടവരെ രക്ഷിച്ച മത്സ്യത്തൊഴിലാളികള്‍ക്ക് നല്‍കുന്ന സ്വീകരണച്ചടങ്ങില്‍ പങ്കെടുക്കും.
ആലപ്പുഴയില്‍ വിശ്രമിച്ചശേഷം 3.45ന് ഹെലികോപ്ടറില്‍ ചാലക്കുടിയില്‍ എത്തും. ആറിന് പറവൂരിലെ സന്ദര്‍ശനത്തിനുശേഷം എറണാകുളം ഗസ്റ്റ് ഹൗസില്‍ എത്തും. 29ന് രാവിലെ ഒമ്പതിന് ദുരിതാശ്വാസ ക്യാമ്പുകളില്‍ വിതരണം ചെയ്യാന്‍ ഡി.സി.സി സംഭരിച്ച ഭക്ഷ്യവസ്തുക്കളും മറ്റും നിറച്ച ലോറികള്‍ മറൈന്‍ െ്രെഡവില്‍ ഫ്‌ലാഗ് ഓഫ് ചെയ്യും.
തുടര്‍ന്ന് പ്രത്യേക വിമാനത്തില്‍ കോഴിക്കോട്ട് എത്തിയശേഷം ഹെലികോപ്ടറില്‍ വയനാട്ടിലേക്ക് തിരിക്കും. 11.30 മുതല്‍ 12.30 വരെ കോട്ടാത്തല വില്ലേജിലെ പ്രളയബാധിതപ്രദേശങ്ങള്‍ സന്ദര്‍ശിക്കും. 1.15ഓടെ കോഴിക്കോട് വിമാനത്താവളത്തില്‍നിന്ന് പ്രത്യേക വിമാനത്തില്‍ ഡല്‍ഹിക്ക് മടങ്ങും.
https://www.facebook.com/Malayalivartha
