ചിദംബരത്തെ പൂട്ടാന്‍ തന്നെ;ഐ.എന്‍.എക്‌സ് മീഡിയ കേസില്‍ മുന്‍ ധനമന്ത്രി പി. ചിദംബരത്തെ അടപടലം പൂട്ടാന്‍ ഉറച്ച് സിബിഐ; അന്വേഷണത്തില്‍ സി.ബി.ഐ 5 രാജ്യങ്ങളുടെ സഹായം തേടിയതായി വിവരം
ഐ.എന്‍.എക്‌സ് മീഡിയ കേസില്‍ മുന്‍ ധനമന്ത്രി പി. ചിദംബരത്തെ അടപടലം പൂട്ടാന്‍ തന്നെ ഉറച്ചിരിക്കുകയാണ് സിബിഐ. ചിദംബരത്തിനെതിരായ അന്വേഷണത്തില്‍ സി.ബി.ഐ 5 രാജ്യങ്ങളുടെ സഹായം തേടിയതായിയുള്ള വിവരമാണ് പുറത്തുവരുന്നത്. ഷെല്‍ കമ്പനികളുടെ വിവരങ്ങള്‍ക്കായാണ് യു.കെ ഉള്‍പ്പെടെയുള്ള രാജ്യങ്ങളുടെ സഹായം തേടിയത്. കേസില്‍ പി.ചിദംബരത്തെ സി.ബി.ഐ ചോദ്യം ചെയ്യുന്നത് ഇപ്പോഴും തുടരുകയാണ്. അതേസമയം സി.ബി.ഐ കസ്റ്റഡിക്കെതിരെ സുപ്രിം കോടതിയെ സമീപിക്കാന്‍ ഒരുങ്ങുകയാണ് ചിദംബരം.
ചിദംബരത്തിനുള്ള കുരുക്ക് മുറുക്കുന്നതിന്റെ ഭാഗമായി യു.കെ, സ്വിറ്റ്‌സര്‍ലന്‍ഡ്, മൌരീഷ്യസ്, സിംഗപ്പൂര്‍, ബര്‍മൂഡാ എന്നീ രാജ്യങ്ങല്‍ക്ക് സി.ബി.ഐ കത്തയച്ചതായാണ് വിവരം. പി.ചിദംബരവും കാര്‍ത്തി ചിദംബരവുമായി ബന്ധപ്പെട്ട ഷെല്‍ കമ്പനികളെ കുറിച്ചുള്ള വിവര ശേഖരണത്തിന് സഹായം തേടിയാണ് കത്തയച്ചത്. ബാങ്ക് അക്കൌണ്ട് വിവരങ്ങളെ കുറിച്ചുള്ള വിശദാംശങ്ങളും ഇതുവഴി ശേഖരിക്കും. ഐ.എന്‍.എക്‌സ് മീഡിയക്ക് അടക്കം 6 ഇടപാടുകള്‍ക്ക് ഷെല്‍ കമ്പനികള്‍ വഴി കള്ളപ്പണം വന്നതായാണ് സി.ബി.ഐ കണ്ടെത്തല്‍. കാര്‍ത്തി ചിദംബരത്തിന് യു.കെയില്‍ ബിനാമി സ്വത്തുക്കള്‍ ഉണ്ടെന്നതിന് ഇമെയില്‍ ഉള്‍പ്പെടെയുള്ള തെളിവുകള്‍ സി.ബി.ഐയുടെ കൈയിലുണ്ടെന്നാണ് റിപ്പോര്‍ട്ടുകള്‍. ഐ.എന്‍.എക്‌സ് ഉടമകളായ പീറ്റര്‍ മുഖര്‍ജി, ഇന്ദ്രാണി മുഖര്‍ജി എന്നിവരുമായുള്ള കൂടിക്കാഴ്ച, ഇടപാടുകള്‍ എന്നിവ സംബന്ധിച്ചാണ് ചിദംബരത്തില്‍ നിന്നും VFNBFND അന്വേഷണ സംഘം ചോദിച്ചറിയുന്നത്. ചിദംബരം ചോദ്യം ചെയ്യലിനോട് സഹകരിക്കുന്നില്ല എന്നാണ് സി.ബി.ഐ വൃത്തങ്ങള്‍ നല്‍കുന്ന വിവരം .മൊഴികളില്‍ വൈരുദ്ധ്യമുണ്ട്. തെന്നിമാറുന്ന ഉത്തരങ്ങളുമാണ് നല്‍കുന്നത്. അതിനാല്‍ ചിദംബരത്തെ നേരത്തെ മൊഴി നല്‍കിയവര്‍ക്കൊപ്പവും കാര്‍ത്തി ചിദംബരത്തിനൊപ്പവും ഇരുത്തി ചോദ്യം ചെയ്യാനാണ് സി.ബി.ഐ ആലോചന. അതേസമയം ഉടന്‍ തന്നെ സി.ബി.ഐ കസ്റ്റഡിക്കെതിരെ ചിദംബരം സുപ്രിം കോടതിയെ സമീപിക്കാന്‍ ഒരുങ്ങുന്നുണ്ട്.
അതേസമയം എന്ഫോഴ്സ്മെന്റ് ഡയറക്ടറേറ്റ് രജിസ്റ്റര്‍ ചെയ്ത കേസില്‍ സുപ്രീംകോടതി തിങ്കളാഴ്ച വരെ ഇടക്കാലജാമ്യം അനുവദിച്ചു. തിങ്കളാഴ്ച വരെ ചിദംബരത്തെ അറസ്റ്റ് ചെയ്യാനോ കസ്റ്റഡിയില്‍ വാങ്ങാനോ ഇ.ഡിക്ക് കഴിയില്ല. അതേസമയം ചിദംബരം സി.ബി.ഐയുടെ കസ്റ്റഡിയില്‍ തുടരും. സി.ബിഐക്കെതിരെ നല്‍കിയ ഹര്‍ജിയും ഇ.ഡിക്കേസില്‍ മുന്‍കൂര്‍ ജാമ്യം തേടിയുള്ള ഹര്‍ജിയും ഒരുമിച്ച് തിങ്കളാഴ്ച വീണ്ടും പരിഗണിക്കും. മുന്‍കൂര്‍ ജാമ്യം നിഷേധിച്ച ഹൈക്കോടതി വിധിക്കെതിരെ രൂക്ഷമായ ആരോപണങ്ങളാണ് ചിദംബരത്തിന്റെ അഭിഭാഷകരായ കപില്‍ സിബലും അഭിഷേക് സിങ്വിയും ഉന്നയിച്ചത്. വാക്കാലുള്ള വാദം പൂര്‍ത്തിയായ ശേഷം സോളിസിറ്റര്‍ ജനറല്‍ ജഡ്ജിക്ക് കുറിപ്പ് കൈമാറി. കുറിപ്പില്‍ പറയുന്ന കാര്യങ്ങള്‍ക്കെതിരെ വാദമുന്നയിക്കാന്‍ ചിദംബരത്തിന് അവസരം നല്‍കിയില്ല. കുറിപ്പിലുള്ള കാര്യങ്ങള്‍ വിധിയില്‍ അതേപടി പകര്‍ത്തിയത് ഹൈക്കോടതി ജഡ്ജിന്റെ പക്ഷപാതപരമായ സമീപനത്തിന്റെ തെളിവാണെന്നും ഇരുവരും ആരോപിച്ചു.
https://www.facebook.com/Malayalivartha
