ഹരിയാനയിലെ വിവാദ ആള്‍ദൈവം ഗുര്‍മീത് രാം റഹീം വീണ്ടും വാര്‍ത്തകളില്‍ നിറയുകയാണ്. കൊലപാതക കുറ്റത്തിനും മാനഭംഗത്തിനും ജീവപര്യന്തം ശിക്ഷ അനുഭവിക്കുകയാണ് ആള്‍ദൈവം ഗുര്‍മീത് രാം റഹീം. ഇപ്പോള്‍ ജയില്‍ വാസം തുടങ്ങിയിട്ട് വര്‍ഷം രണ്ട് പിന്നിട്ടു. ഈ രണ്ട് വര്‍ഷത്തെ ജയില്‍വാസത്തിനിടയില്‍ ഗുര്‍മീത് കുറഞ്ഞത് 15 കിലോയെന്നാണ് റിപ്പോര്‍ട്ട്. കൂടാതെ 18,000 രൂപ പണിയെടുത്ത് സമ്ബാദിച്ചിട്ടുമുണ്ട്.

റോത്തക്കിലെ സുനാരിയ ജയിലിലെ 8647-ാം നമ്ബര്‍ തടവുകാരനായി കഴിയുകയാണ് ഗുര്‍മീത്. ജയിലില്‍ എത്തുമ്‌ബോള്‍ ഗുര്‍മീതിന് 105 കിലോ ആയിരുന്നു ഭാരം. എന്നാല്‍ ഇപ്പോള്‍ 90കിലോയായി കുറഞ്ഞിരിക്കുകയാണെന്നാണ് റിപ്പോര്‍ട്ട്. ജയിലില്‍ കൃഷി ചെയ്യാനാണ് ഗുര്‍മീതിന് ഏറെ താല്‍പര്യം. ഗുര്‍മീത് കൃഷി ചെയ്യുന്ന തക്കാളിയും ഉരുളക്കിഴങ്ങും ജയില്‍ അടുക്കളയിലെ ആവശ്യങ്ങള്‍ക്കും ഉപയോഗിക്കാറുണ്ട്.

ഹരിയാനയിലെ ബാബ എന്ന പേരില്‍ പ്രസിദ്ധനായിരുന്നു ഗുര്‍മീത്. ആഗസ്റ്റ് 25, 2017ലാണ് അദ്ദേഹം അറസ്റ്റിലായത്. 50-ാമത്തെ പിറന്നാള്‍ ഗംഭീരമായി ആഘോഷിച്ച് 10 ദിവസങ്ങള്‍ക്ക് ശേഷമായിരുന്നു അറസ്റ്റ്. സിബിഐ കോടതിയാണ് ഗുര്‍മീത്തിന്റെ ശിക്ഷ വിധിച്ചത്. ജയിലിലാണെങ്കിലും വൃത്തിയുള്ള വസ്ത്രധാരണരീതി തന്നെയാണ് ഗുര്‍മീത് പിന്തുടരുന്നത്. സന്ദര്‍ശിക്കാനെത്തുന്ന ബന്ധുക്കളുടെ കൈയ്യിലാണ് അലക്കാനുള്ള തുണി ഏല്‍പ്പിക്കുന്നത്. ആദ്യകാലത്ത് അസ്വസ്ഥതകള്‍ പ്രകടിപ്പിച്ചുവെങ്കിലും ഇപ്പോള്‍ ജയിലിലെ രീതികളുമായി ഇണങ്ങി ചേര്‍ന്നുവെന്ന് അധികൃതര്‍ പറയുന്നു.

ആശ്രമത്തിലെ അന്തേവാസികളെ ലൈംഗികമായി പീഡിപ്പിച്ച കേസില്‍ ദേര സച്ച സൌദ തലവന്‍ ഗുര്‍മീത് രാം റഹീം സിങ് കുറ്റക്കാരനെന്ന് പഞ്ച്കുള സിബിഐ പ്രത്യേക കോടതി കണ്ടെത്തിയിരുന്നു.

1999ലാണ് കേസിനാസ്പദമായ സംഭവം നടന്നത്. റാം റഹീം സിങ് ആശ്രമത്തില്‍ വെച്ച് 2 അന്തേവാസികളെ ലൈംഗിക പീഢനത്തിനിരയാക്കി എന്ന് വിശദീകരിച്ചുള്ള അന്നത്തെ പ്രധാനമന്ത്രിയായ വാജ്‌പേയിക്ക് ലഭിച്ച ഊമക്കത്തിനെ തുടര്‍ന്നായിരുന്നു അന്വേഷണങ്ങളുടെ തുടക്കം. കേസ് പരിഗണിച്ച പഞ്ചാബ് ഹരിയാന ഹൈക്കോടതി 2002ല്‍ കേസ് ഏറ്റെടുക്കാന്‍ സിബിഐയോട് ആവശ്യപ്പെടുകയായിരുന്നു.

2017 ആഗസ്റ്റ് 17ന് ആയിരുന്നു അവസാന വാദം നടന്നത്. കേസ് കോടതി പരിഗണിച്ച ഘട്ടത്തില്‍ മുറിയിലേക്ക് ജഡ്ജിക്കും ജീവനക്കാര്‍ക്കും റാം റഹീം സിങിനും ഓരോ കക്ഷികളുടെയും ഓരോ അഭിഭാഷകര്‍ക്കും മാത്രമായിരുന്നു പ്രവേശന മുണ്ടായിരുന്നത്. വിധി പ്രസ്താവിക്കവെ ഐപിസി 375 പ്രകാരം ലൈഗീക പീഢന കുറ്റം റാം റഹീം സിങ് ചെയ്തതായി കോടതി കണ്ടെത്തുകയായിരുന്നു. ബലാത്സംഗക്കേസില്‍ രാം റഹീമിനെതിരെ പ്രത്യക്ഷ തെളിവുകളുണ്ടെന്നും കോടതി വ്യക്തമാക്കി.

തുടര്‍ന്നാണ് ശിക്ഷ പ്രഖ്യാപിച്ചത്. ശേഷം സുരക്ഷ ഏറ്റെടുത്ത സൈന്യം റാം റഹീം സിങിന്റെ മന്ദിര്‍ മിലിട്ടറി ക്യാന്പിലെത്തിച്ച ശേഷം റോത്തകിലെ ജയിലിലേക്ക് മാറ്റി. ബലാത്സംഗ കേസിന് പുറമെ വൃഷ്ണച്ഛേദം, മതവകാരം വൃണപ്പെടുത്തല്‍ എന്നീ കേസുകളിലും കുറ്റാരോപിതനാണ് റാം റഹീം സിങ്. 2002ല്‍ മാധ്യ പ്രവര്ത്തകനായ രാം ചന്ദര്‍ ചത്രപതിയെ കൊലപ്പെടുത്തിയ കേസിലും ആശ്രമ വാസിയായ രഞ്ജിത്ത് സിങിന്റെ മരണത്തിലും രാം റഹീം സിങ് വിചാരണ നേരിടുന്നുണ്ട്. എന്തായാലും സ്വാമിയുടെ ജയില്‍ ജിവിതം ആരാധകരെ അമ്പരപ്പിച്ചിട്ടുണ്ട്.