ഗുജറാത്ത് തീരത്ത് പാക് കമാൻഡോകൾ; ഗുജറാത്തിലെ ഗള്ഫ് ഓഫ് കച്ച് മേഖലയില് പാകിസ്താന്റെ മറൈന് കമാന്ഡോകള് നുഴഞ്ഞു കയറിയതായി സൂചന; കച്ചിലെ മുന്ദ്ര, കാണ്ട്ല തുറമുഖങ്ങള്ക്ക് സുരക്ഷാ മുന്നറിയിപ്പ്
ഗുജറാത്തിലെ ഗള്ഫ് ഓഫ് കച്ച് മേഖലയില് പാകിസ്താന്റെ മറൈന് കമാന്ഡോകള് നുഴഞ്ഞു കയറിയതായി സൂചന. മിസൈൽ പരീക്ഷണത്തിന് പിന്നാലെയാണ് പാക് കമാൻഡോകൾ ഗുജറാത്തിലേക്ക് കടന്നതായി സൂചന ലഭിക്കുന്നത്. കച്ചിലെ മുന്ദ്ര, കാണ്ട്ല തുറമുഖങ്ങള്ക്ക് സുരക്ഷാ മുന്നറിയിപ്പ് നല്കിയിരിക്കുകയാണ്. ഇന്ത്യയുടെ തീരദേശ സേനയാണ് ജാഗ്രതാ നിർദ്ദേശം നൽകിയത്. അസാധാരണ നീക്കങ്ങള് ശ്രദ്ധയില്പ്പെട്ടാല് ഗുജറാത്തിലെ മറൈന് കണ്ട്രോള് ബോര്ഡിനെ വിവരമറിയിക്കാന് നിര്ദേശം നല്കിയിട്ടുണ്ട്. കച്ചിലെ അദാനി പോര്ട്ട് ജീവനക്കാര്ക്കും മുന്നറിയിപ്പ് നല്കിയിട്ടുണ്ട്.
പാകിസ്താന് നാവികസേനയുടെ ഭാഗത്തുനിന്ന് പ്രകോപനമുണ്ടാകാന് സാധ്യതയുള്ളതായി കഴിഞ്ഞദിവസം ഇന്ത്യന് നാവികസേനാ മേധാവി മുന്നറിയിപ്പ് നല്കിയിരുന്നു അതിനു പിന്നാലെയാണ് രാജ്യത്തെ ഞെട്ടിച്ചുകൊണ്ട് പാകിസ്താന്റെ മറൈന് കമാന്ഡോകള് നുഴഞ്ഞു കയറിയതായി വിവരം ലഭിച്ചത്.
ഇന്ത്യയുമായി സെപ്റ്റംബറിലോ ഒക്ടോബറിലെ യുദ്ധമുണ്ടാകുമെന്നു പാക്ക് മന്ത്രി കഴിഞ്ഞ ദിവസമാണ് പ്രഖ്യാപിച്ചത്. ഇതിന് തൊട്ടുപിന്നാലെ പാകിസ്ഥാൻ ബാലിസ്റ്റിക് മിസൈൽ പരീക്ഷണം നടത്തിയെന്ന വിവരം പുറത്തു വന്നു. കരയിൽ നിന്നു കരയിലേക്കു തൊടുക്കാവുന്ന മിസൈലാണ് രാത്രിയിൽ പാക്കിസ്ഥാൻ പരീക്ഷിച്ചത്. ഇതിന്റെ വിഡിയോയും പുറത്തു വന്നിട്ടുണ്ട്. 290 കിലോമീറ്റർ വരെ ദൂരത്തേക്ക് പലതരം പോർമുനകൾ വഹിക്കാൻ ശേഷിയുള്ളതാണ് മിസൈൽ. പാക്കിസ്ഥാൻ സൈനിക വക്താവാണ് മിസൈൽ പരീക്ഷണം സ്ഥിരീകരിച്ചത്.
https://www.facebook.com/Malayalivartha