ഇന്ത്യയിലാകമാനം 12,500ൽപ്പരം ആയുഷ് കേന്ദ്രങ്ങള് നിര്മ്മിക്കുക എന്ന ലക്ഷ്യവുമായി കേന്ദ്ര സർക്കാർ; പ്രഖ്യാപനവുമായി പ്രധാന മന്ത്രി
കശ്മീരിന് പദവികൾ അനുവദിച്ചിരുന്ന ആർട്ടിക്കിൾ 370 റദ്ദാക്കിയതിന് പിന്നാലെ കേന്ദ്ര സർക്കാരിന്റെ അടുത്ത നീക്കം എന്താണെന്ന് പ്രധാന മന്ത്രി പ്രഖ്യാപിച്ചു. ഇന്ത്യയിലാകമാനം 12,500ൽപ്പരം ആയുഷ് കേന്ദ്രങ്ങള് നിര്മ്മിക്കുക എന്നതാണെന്ന് കേന്ദ്ര സർക്കാരിന്റെ അടുത്ത നീക്കം. കേന്ദ്ര സര്ക്കാറിൻറെ അടുത്ത ലക്ഷ്യവും ഇത് തന്നെയാണ്. ഇതിൽ 4000 ആയുഷ് കേന്ദ്രങ്ങള് ഈ വർഷം തന്നെ ആരംഭിക്കുവാനാണ് ശ്രമമെന്നും അദ്ദേഹം വ്യക്തമാക്കി. ആയുഷ് മന്ത്രാലയം സംഘടിപ്പിച്ച പരിപാടിയെ അഭിസംബോധന ചെയ്ത് സംസാരിക്കവെയായിരുന്നു അദ്ദേഹം ഈ കാര്യം പറഞ്ഞത്. ആരോഗ്യപരമായ കാര്യങ്ങളിൽ വൻ വികസനങ്ങൾ നടത്താനാണ് ശ്രമം. ഒരു രാഷ്ട്രം, ഒരു നികുതി, ഒരു മൊബിലിറ്റി കാർഡ് എന്നിവയുടെ അടിസ്ഥാനത്തിൽ "ആയുഷ് ഗ്രിഡ്" തുടങ്ങാനും പദ്ധതിയിടുന്നു . പ്രധാന മന്ത്രി തന്നെയാണ് ഈ കാര്യങ്ങൾ രാജ്യത്തോട് അറിയിച്ചിരിക്കുന്നത്.
ആയുഷും യോഗയും ഫിറ്റ് ഇന്ത്യ ക്യാമ്പയിനിന്റെ പ്രധാനപ്പെട്ട രണ്ട് തൂണുകളാണെന്നും മോദി ചൂണ്ടിക്കാട്ടി. 12,500 ആയുഷ് കേന്ദ്രങ്ങള് എന്ന ലക്ഷ്യത്തിലേക്ക് അടുക്കുന്നതിന്റെ ഭാഗമായി ഇന്ന് ഹരിയാനയില് മാത്രം 10 കേന്ദ്രങ്ങളാണ് ആരംഭിച്ചതെന്നും പ്രധാനമന്ത്രി പറയുകയുണ്ടായി. ഈ പദ്ധതി പ്രകാരം ആളുകള്ക്ക് സൗജന്യ ആരോഗ്യ സേവനങ്ങള് ലഭ്യമായി തുടങ്ങിയിരിക്കുയാണ്. ഈ പദ്ധതിയില് ഉള്പ്പെട്ടിരുന്നില്ലെങ്കില് ആളുകള് ചികിത്സയ്ക്കായി 12,000 കോടി രൂപ ചെലവഴിക്കേണ്ടി വരുമായിരുന്ന അവസ്ഥയാണ് ഉണ്ടായിരുന്നത്. ആയുഷ്മാന് ഭാരത് യോജനയെക്കുറിച്ച് സംസാരിക്കവേയാണ് മോദി ഈ കാര്യം വ്യക്തമാക്കിയത് .ഒരു തരത്തില് പറഞ്ഞാല് ആയുഷ്മാന് ഭാരത് പദ്ധതി രാജ്യത്തെ പാവപ്പെട്ട ലക്ഷക്കണക്കിന് ആളുകളുടെ 12,000 കോടി രൂപയാണ് ലാഭിച്ചതെന്നും അദ്ദേഹം വിശദീകരിച്ചു.
രാജ്യത്താകമാനം ഫിറ്റ് ഇന്ത്യ മൂവ്മെന്റിന് തുടക്കം കുറിച്ചിരിക്കുയാണ്. ഇന്ത്യയിലെ ജനങ്ങളുടെ ആരോഗ്യ കാര്യത്തിലാണ് മോദി സർക്കാർ ഇപ്പോൾ ശ്രദ്ധ കേന്ദ്രീക്കരിച്ചിരിക്കുന്നത്. ആരോഗ്യമുള്ള ഇന്ത്യയെ വളര്ത്തിയെടുക്കുക എന്ന ലക്ഷ്യത്തോടെ അവതരിപ്പിച്ച ഒരു പദ്ധതിയാണ് ഫിറ്റ് ഇന്ത്യ മൂവ്മെന്റ്. പ്രധാനമന്ത്രി നരേന്ദ്ര മോദിയാണ് ഇത് ഉദ്ഘാടനം ചെയ്തത്. ന്യൂഡല്ഹിയിലെ ഇന്ദിരാ ഗാന്ധി ഇന്ഡോര് സ്റ്റേഡിയത്തില് നടന്ന ചടങ്ങില് ഫിറ്റ്നെസ് ലോഗോ പ്രകാശനം ചെയ്ത ശേഷം പ്രധാനമന്ത്രി ഫിറ്റ്നെസ് പ്രതിജ്ഞ ചൊല്ലിക്കൊടുക്കുകയുണ്ടായി . ആരോഗ്യമുള്ള സംസ്കാരം വളര്ത്തിയെടുക്കാന് എല്ലാ പൗരന്മാരെയും പ്രോത്സാഹിപ്പിക്കുക എന്ന ലക്ഷ്യവുമായാണ് ‘ഫിറ്റ് ഇന്ത്യ മൂവ്മെന്റി’ന് തുടക്കം കുറിച്ചിരിക്കുന്നത്. അതിന് പിന്നാലെയാണ് ആയുഷ് കേന്ദ്രങ്ങൾ തുടങ്ങാനുള്ള പദ്ധതി കേന്ദ്രം ആരംഭിച്ചിരിക്കുന്നത്. ചുരുക്കി പറഞ്ഞാൽ ഇന്ത്യയിലെ പൗരന്മാരുടെ ആരോഗ്യം മെച്ചപ്പെടുത്താനുള്ള ശ്രമത്തിലാണ് മോദി സർക്കാർ.
https://www.facebook.com/Malayalivartha