ഫിറ്റാണ് ബോസ് ! യോഗ, പ്രാണായാമം , ആയുർവേദം... തന്റെ ആരോഗ്യത്തിന്റെ രഹസ്യം വെളിപ്പെടുത്തി പ്രധാന മന്ത്രി നരേന്ദ്ര മോദി
നമ്മുടെ ഇന്ത്യ മഹാരാജ്യത്തിന്റെ കരുത്തനായ പ്രധാന മന്ത്രിയുടെ വിജയങ്ങളൊക്കെ നമ്മുടെ കൂടി വിജയം ആയിട്ടാണ് നാം കണക്കാക്കുന്നത്. അദ്ദേഹത്തിന്റെ വിജയ രഹസ്യങ്ങൾ പലതും നമ്മിൽ പലരും സ്വന്ത ജീവിതത്തിൽ പ്രാവർത്തികമാക്കാറുമുണ്ട്. എന്നാൽ ഇതാ ഇപ്പോൾ തൻറെ ആരോഗ്യത്തിന്റെ രഹസ്യം വെളിപ്പെടുത്തിയിരിക്കുയാണ് പ്രധാന മന്ത്രി നരേന്ദ്ര മോദി. ഈ മൂന്നു കാര്യങ്ങളാണ് തന്റെ ഊർജത്തിനും ഒപ്പം ഇന്ത്യയെ നയിക്കാൻ തന്നെ പ്രാപ്തനാക്കുന്നതെന്നും മോദി പറഞ്ഞിരിക്കുന്നു. ആ മൂന്നു കാര്യങ്ങൾ ഇവയാണ്; യോഗ പ്രാണായാമം ആയുർവേദം. ഈ മൂന്നു കാര്യങ്ങൾ നരേന്ദ്ര മോദിയെ ആരോഗ്യവാനാക്കി വയ്ക്കുന്നു. രാജ്യത്താകമാനം ഫിറ്റ് ഇന്ത്യ മൂവ്മെന്റിന് തുടക്കം കുറിച്ചിരിക്കുയാണ്. ഇതിനു പിന്നാലെയാണ് തന്റെ ആരോഗ്യത്തിന്റെ രഹസ്യം പ്രധാനമന്ത്രി നരേന്ദ്രമോദി വെളിപ്പെടുത്തിയിരിക്കുന്നത്. തന്റെ ജീവിതം മുന്നോട്ട് കൊണ്ട് പോകാൻ തന്നെ സഹായിക്കുന്നത് യോഗയും പ്രാണായാമം ആയുർവേദവുമാണെന്ന് അദ്ദേഹം പറഞ്ഞിരിക്കുന്നു.
രാജ്യത്താകമാനം ഫിറ്റ് ഇന്ത്യ മൂവ്മെന്റിന് തുടക്കം കുറിച്ചത്തിന്റെ തൊട്ടടുത്ത ദിവസമാണ് മോദി ഇത് പറഞ്ഞിരിക്കുന്നത് എന്നത് ശ്രദ്ധേയം."ഞാൻ നിങ്ങളോട് എന്റെ രഹസ്യം വെളിപ്പെടുത്തേണ്ടതുണ്ട്. എന്റെ ജീവിതത്തിന്റെ വാഹനം മുന്നോട്ട് കൊണ്ടുപോകുന്നത് യോഗയും പ്രാണായാമം ആയുർവേദവുമാണ്," മോദി പറഞ്ഞു. ആയുഷും യോഗയും എന്ന വിഷയത്തിൽ ദില്ലിയിൽ നടന്ന പരിപാടിയിൽ സംസാരിക്കുവെയാണ് പ്രധാനമന്ത്രി ആ രഹസ്യം ലോകത്തോട് വിളിച്ചു പറഞ്ഞിരിക്കുന്നത്. മാത്രമല്ല രാഷ്ട്രീയപ്രവർത്തനം നടത്തുന്നവർ ആരോഗ്യം സംരക്ഷിക്കുകയെന്നത് അവർ നേരിടുന്ന വലിയ വെല്ലുവിളിയാണെന്നും അദ്ദേഹം കൂട്ടിച്ചേർത്തു. എന്നാൽ നാച്ചുറോപ്പതിയും യോഗയും ശീലമാക്കിയാൽ ഈ വെല്ലുവിളികളെ മറി കടക്കാനാകുമെന്നും അദ്ദേഹം പറഞ്ഞു. ഇപ്പോൾ തുടക്കമിട്ടിരിക്കുന്ന ഫിറ്റ് ഇന്ത്യ മൂവ്മെൻറ് ഇന്ത്യയെ ആരോഗ്യകരമായ ഭാവിയിലേക്ക് നയിക്കാനുള്ള പദ്ധതിയാണ്. വ്യാഴാച്ചയായിരുന്നു ഫിറ്റ് ഇന്ത്യ മൂവ്മെന്റ്
ആരംഭിച്ചത്. ഒന്നും നിക്ഷേപിക്കാതെ തന്നെ വലിയ വരുമാനം നേടുന്നതാണ് ഫിറ്റ്നസ്സെന്നും അദ്ദേഹം പറഞ്ഞു.
ഇപ്പോൾ തെഞ്ഞെടുപ്പ് നേരിടുന്ന ഹരിയാന മുഖ്യമന്ത്രിയായ മനോഹർ ലാൽ ഖട്ടരെയും അദ്ദേഹം തന്റെ പ്രസംഗത്തിൽ ഓർക്കുകയുണ്ടായി. ഹരിയാന മുഖ്യമന്ത്രിയായ മനോഹർ ലാൽ ഖട്ടർ ഗ്രാമങ്ങൾ സന്ദർശിക്കുകയാണ്. അദ്ദേഹം കഠിനമായി അധ്വാനിക്കുന്നത് കൊണ്ട് അദ്ദേഹത്തിന്റെ ശബ്ദത്തിൽ അത് പ്രതിഫലിക്കുന്നുണ്ട്. തെരഞ്ഞെടുപ്പ് കാലത്ത് ഞാനും ഇത്തരം സാഹചര്യങ്ങളിലൂടെ കടന്നുപോകാറുണ്ടെന്നും പ്രധാന മന്ത്രി പറഞ്ഞു. "ഫിറ്റ് ഇന്ത്യ മൂവ്മെന്റ് തുടങ്ങി തൊട്ടടുത്ത ദിവസം തന്നെ ആയുഷും യോഗയും എന്ന വിഷയത്തിൽ സംസാരിക്കാൻ അവസരം കിട്ടുന്നത് വളരെ നല്ലതാണ് എന്ന് പറഞ്ഞ മോദി ഫിറ്റ് ഇന്ത്യ മൂവ്മെന്റിന്റെ രണ്ട് പ്രധാന തൂണുകളാണ് ആയുഷും യോഗയുമെന്നും എടുത്തു കാട്ടുകയുണ്ടായി. ആയുഷും യോഗയും ശീലത്തിന്റെ മാത്രമല്ല, സംസ്കാരത്തിന്റെയും പാരമ്പര്യത്തിന്റെയും ആരോഗ്യത്തിന്റെയും അടിസ്ഥാന സൗകര്യങ്ങളെയും ബന്ധപ്പെട്ട് കിടക്കുന്നതാണെന്നും മോദി വ്യക്തമാക്കുകയുണ്ടായി
https://www.facebook.com/Malayalivartha