നിലക്കടലതോടിനുള്ളില് നോട്ട്; കള്ളക്കടത്തിന്റെ പുതിയ രീതികണ്ട് കണ്ണ്തള്ളി ഉദ്യോഗസ്ഥര് ; ഡല്ഹി ഇന്ദിരാ ഗാന്ധി വിമാനത്താവളത്തില് നടത്തിയ പരിശോധനയിലാണ് 45 ലക്ഷം രൂപയുടെ വിദേശ കറന്സി ആണ്ടെത്തിയത്; കള്ളക്കടത്തിന്റെ രീതിയാണ് ഏവരെയും അത്ഭുതപ്പെടുത്തിയത്; നിലകടലത്തോടിനുള്ളിൽ ഒളിപ്പിച്ച നിലയിലായിരുന്നു നോട്ടുകെട്ടുകൾ
കാലം മാറുന്നതിനനുസരിച്ച് കള്ളക്കടത്തിലും പുതിയ പുതിയ രീതികള് പരീക്ഷിക്കുകയാണ് കള്ളക്കടത്ത് മാഫിയകള്. ഡല്ഹി ഇന്ദിരാ ഗാന്ധി വിമാനത്താവളത്തില് നടത്തിയ പരിശോധനയില് 45 ലക്ഷം രൂപയുടെ വിദേശ കറന്സി ഒളിപ്പിച്ച രീതി കണ്ട് അത്ഭുതപ്പെട്ടിരിക്കുകയാണ് സിഐഎസ്എഫ് ഉദ്യോഗസ്ഥര്. തോട് പൊളിക്കാത്ത നിലക്കടലയ്ക്കുള്ളില് നിന്നാണ് 45 ലക്ഷം രൂപയുടെ വിദേശ കറന്സി പിടികൂടിയത്. ബാഗ് പരിശോധനയ്ക്ക് ഇടയിലാണ് തോടോട് കൂടിയ നിലക്കടല അടങ്ങിയ ബാഗ് സിഐഎസ്എഫ് ഉദ്യോഗസ്ഥര് ശ്രദ്ധിക്കുന്നത്. ഉദ്യോഗസ്ഥരില് ചിലര് കടലയുടെ തോട് പൊളിച്ച് നോക്കിയപ്പോഴാണ് ലക്ഷക്കണക്കിന് രൂപയുടെ വിദേശ കറന്സി കണ്ടെത്തിയത്.
വളരെ സൂക്ഷമമായ നിലയില് ചുരുട്ടിയ നിലയിലായിരുന്നു കറന്സി വച്ചിരുന്നത്. നോട്ടുകള് ചുരുട്ടിയ ശേഷം ചരട് കെട്ടിയ നിലയിലായിരുന്നു കണ്ടെത്തിയത്. ബുധനാഴ്ചയാണ് ഒളിപ്പിച്ച് കടത്താന് ശ്രമിച്ച വിദേശ കറന്സി കണ്ടെത്തിയത്. വറുത്ത ഇറച്ചിക്കുള്ളിലെ എല്ലിനുള്ളില് ഒളിപ്പിച്ച നിലയിലും കഴിഞ്ഞ ദിവസം വിദേശ കറന്സി കണ്ടെത്തിയിരുന്നു. യാത്രക്കാരന്റെ ബാഗേജ് പരിശോധിച്ച വേവിച്ച മട്ടണ് കഷണങ്ങള്, കപ്പലണ്ടി, ബിസ്കറ്റ് പാക്കറ്റുകള്, മറ്റ് ഭക്ഷ്യവസ്തുക്കള് എന്നിവയില് ഒളിപ്പിച്ച തരത്തില് വിദേശ കറന്സി കണ്ടെത്തിയതായി സിഐഎസ്എഫ് വക്താവ് അസിസ്റ്റന്റ് ഇന്സ്പെക്ടര് ജനറല് ഹേമേന്ദ്ര സിംഗ് പറഞ്ഞു. സൗദി റിയാല്, ഖത്തര് റിയാല്, കുവൈറ്റ് ദിനാര്, ഒമാനി റിയാല്, യൂറോ എന്നിവയാണ് പിടികൂടിയത്. ആദ്യമായാണ് കപ്പലണ്ടിക്കുള്ളിലടക്കം കറന്സി കടത്തുന്നത് പിടികൂടുന്നത്.
കഴിഞ്ഞ മാസം കണ്ണൂർ വിമാനത്താവളത്തിൽ നിന്നും അരക്കോടിയിലധികം വിലവരുന്ന സ്വർണം പിടികൂടിയിരുന്നു . രാജ്യാന്തര വിമാനത്താവളത്തിൽ നിന്നും കടത്താൻ ശ്രമിച്ച 56.35 ലക്ഷത്തിന്റെ സ്വർണമാണ് പിടികൂടിയത്. സംഭവുമായി ബന്ധപ്പെട്ട്. രണ്ട് പേരെ അന്ന് അറസ്റ്റ് ചെയ്തു. സ്വർണ ബിസ്ക്കറ്റുകളായും സ്വർണം ചെറിയ കഷണങ്ങളാക്കിയും ഒളിപ്പിച്ചു വച്ച നിലയിലുമായിരുന്നു അന്ന് ഇവരിൽ നിന്നും കള്ളക്കടത്തു വസ്തുക്കൾ കണ്ടെത്തിയത്.
സ്വർണ്ണ കടത്തിലായിരുന്നു പുതിയ വഴികൾ ഇത്തരം സംഘങ്ങൾ കണ്ടെത്തിയിരുന്നത് . നെടുമ്പാശ്ശേരിയിൽ നിന്ന് സ്വർണ്ണ കടത്ത് ഒളിപ്പിച്ചത് കണ്ട് ഉദ്യോഗസ്ഥർ പോലും ഞെട്ടിയിരുന്നു . മിക്സിക്കുളളിലും സ്പീക്കറിനുളളിലും പേസ്റ്റ് രൂപത്തിലാക്കി അടിവസ്ത്രത്തിലും ഒളിപ്പിച്ച് സ്വര്ണം കടത്തുന്നതിനിടെയായിരുന്നു നെടുമ്പാശ്ശേരിയിൽ ഈ സംഘത്തെ പോലീസ് അറസ്റ്റ് ചെയ്തത്. എന്നാൽ ഇതാദ്യമായാണ് കറൻസി കള്ളക്കടത്തിലും പുതിയ രീതികൾ ഉദ്യോഗസ്ഥർ കണ്ടെത്തിയത്.അതും കപ്പലണ്ടിക്കുള്ളിൽ ഒളിപ്പിച്ച നിലയിൽ വിദേശ കറൻസികൾ .എന്തായാലും പുതിയ രീതികണ്ട് അമ്പരന്നിരിക്കുകയാണ് ഉദ്യോഗസ്ഥർ.നിലക്കടലത്തോടിനുള്ളിൽ ഒളിപ്പിച്ചനിലയിലായിരുന്നു നോട്ടുകെട്ടുകൾ
https://www.facebook.com/Malayalivartha
