തമിഴ്‌നാട് നാഗാപട്ടണത്ത് മദ്യലഹരിയില്‍ ശരീരത്തിനുള്ളിലേക്ക് കുപ്പി കുത്തിക്കയറ്റിയ യുവാവിന്റെ വയറ്റില്‍ നിന്ന ശസ്ത്രക്രിയയിലൂടെ കുപ്പി പുറത്തെടുത്തു. നാഗൂര്‍ സ്വദേശിയായ യുവാവ് വയറുവേനദനയ്ക്ക് ചികിത്സ തേടിയാണ് നാഗപട്ടണം സര്‍ക്കാര്‍ ആശുപത്രിയിലെത്തിയത്. എക്സ്റേ പരിശോധനയില്‍ വയറ്റിനുള്ളില്‍ 250 മില്ലിയുടെ മദ്യക്കുപ്പി കുടുങ്ങിയിരിക്കുന്നതായി കണ്ടെത്തി. തുടര്‍ന്നാണ് ഡോക്ടര്‍മാര്‍് അപുര്‍വ്വ ശസ്ത്രക്രിയ നടത്തിയത്.

മദ്യലഹരിയില്‍ മലദ്വാരത്തിലൂടെ കയറ്റിയ കുപ്പി, ഉടന്‍ തന്നെ നീക്കം ചെയ്യാന്‍ യുവാവ് ശ്രമിച്ചുവെങ്കിലും പരാജയപ്പെട്ടു. യുവാവിന്റെ മലാശത്തിലാണ് (റെക്ടം) കുപ്പി കുടുങ്ങിയത്. രണ്ട് ദിവസത്തോളം യുവാവ് ഇക്കാര്യം രഹസ്യമാക്കി വച്ചു. ഒടുവില്‍ വേദന സഹിക്കാനാകാതെ ആശുപത്രിയില്‍ എത്തുകയായിരുന്നു.

എക്സ്റേ പരിശോധനയില്‍ കുപ്പി കണ്ടെത്തിയതോടെ ഉടന്‍ തന്നെ ശസ്ത്രക്രിയ നടത്തി. തന്റെ ഔദ്യോഗിക ജീവിതത്തില്‍ ഇത് ആദ്യമായാണ് ഇത്തരമൊരു സംഭവത്തിന് സാക്ഷ്യം വഹിക്കുന്നതെന്ന് ജനറല്‍ സര്‍ജന്‍ ഡോ. എസ് പാണ്ഡ്യരാജ് പറഞ്ഞു.കുപ്പി വയറ്റിനുള്ളിലിരുന്ന് പൊട്ടിയാല്‍ സ്ഥിതിഗതികള്‍ കൂടുതല്‍ വഷളാകുമെന്നതിനാണ് ഉടനടി ഓപ്പറേഷന്‍ നടത്തിയതെന്ന് ആശുപത്രി വൃത്തങ്ങള്‍ അറിയിച്ചു.

കൊവിഡ് പരിശോധനാഫലം നെഗറ്റീവ് ആയാല്‍ മാത്രമേ നിലവിലെ സാഹചര്യത്തില്‍ രോഗികളില്‍ ശസ്ത്രക്രിയ നടത്താറുള്ളൂ. എന്നാല്‍ അടിയന്തര സാഹചര്യം പരിഗണിച്ച് ഈ യുവാവില്‍ ശസ്ത്രക്രിയ നടത്തുകയായിരുന്നെന്ന് ആശുപത്രി അധികൃതര്‍ അറിയിച്ചു.