ജമ്മു കശ്മീരിലുണ്ടായ സ്‌ഫോടനത്തില്‍ നാല് പേര്‍ കൊല്ലപ്പെട്ടു. ബാരാമുള്ളയിലെ സോപോറിലുള്ള ആക്രിക്കടയിലാണ് സ്‌ഫോടനമുണ്ടായിരുന്നത്. സ്‌ഫോടനത്തിന്റെ കാരണം വ്യക്തമല്ല. ഗ്യാസ് സിലിന്‍ഡര്‍ പൊട്ടിത്തെറിച്ചതാണെന്ന് സ്ഥിരീകരിക്കാത്ത റിപ്പോര്‍ട്ടുണ്ട്.

നസീര്‍ അഹമ്മദ് നദ്രൂ (40), ആസിം അഷ്‌റഫ് മിര്‍ (20), ആദില്‍ റഷീദ് ഭട്ട് (23), മുഹമ്മദ് അസ്ഹര്‍ (25) എന്നിവരാണ് മരിച്ചത്. ആക്രി സാധനങ്ങള്‍ ഇറക്കുന്നതിന് ഇടയിലാണ് സ്‌ഫോടനമെന്നാണ് റിപ്പോര്‍ട്ട്. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.