സംരക്ഷണം ആവശ്യപ്പെട്ട് മധ്യപ്രദേശ് ഹൈകോടതിയെ സമീപിച്ച് കുംഭമേള വൈറല് താരം
മധ്യപ്രദേശിലെ ബി.ജെ.പി സര്ക്കാറിന്റെ ഏകപക്ഷീയമായ നടപടികള്ക്കെതിരെ റിട്ട് ഹര്ജി ഫയല് ചെയ്ത് കുംഭമേള വൈറല് താരം മൊണാലിസ ഭോസ്ലെയും ഭര്ത്താവ് ഫര്മാന് ഖാനും. സര്ക്കാരില് നിന്ന് സംരക്ഷണം ആവശ്യപ്പെട്ട് മധ്യപ്രദേശ് ഹൈകോടതിയെയാണ് ഇരുവരും സമീപിച്ചത്. കേരളത്തില് ക്ഷേത്രത്തില് വെച്ച് വിവാഹിതരായ ഇവര് ഇന്ഡോറിലെ കുടുംബത്തിന്റെ എതിര്പ്പും സമ്മര്ദവും മൂലം പൊലീസ് സംരക്ഷണം അഭ്യര്ഥിച്ചിരുന്നു.
മൊണാലിസയുടെ ജനന സര്ട്ടിഫിക്കറ്റ് റദ്ദാക്കിയ നടപടിയും മധ്യപ്രദേശ് പൊലീസിന്റെ ഭാഗത്തു നിന്നുള്ള നടപടികളും അന്വേഷണവും സ്റ്റേ ചെയ്യണമെന്നാണ് ഹര്ജിയിലെ ആവശ്യം. ഉടന് തന്നെ അടിയന്തരമായി ഹര്ജി പരിഗണിക്കണമെന്ന് അഭ്യര്ഥിച്ചിട്ടുണ്ട്.
ദേശീയ പട്ടികജാതി കമീഷന് നടത്തിയ അന്വേഷണത്തെ തുടര്ന്നാണ് തിരുവനന്തപുരത്തു വെച്ച് നടന്ന മൊണാലിസയുടെ വിവാഹ കാര്യത്തില് മധ്യപ്രദേശ് സര്ക്കാറും അധികൃതരും ഇടപെട്ടത്. 2026 മാര്ച്ചില് വിവാഹം നടക്കുമ്പോള് മൊണാലിസക്ക് പ്രായപൂര്ത്തി ആയിട്ടില്ലെന്നാണ് മെഡിക്കല് രേഖകള് വ്യക്തമാക്കിയത്. തുടര്ന്ന് മധ്യപ്രദേശില് ഫര്മാന് ഖാനെതിരെ പോക്സോ കേസ് രജിസ്റ്റര് ചെയ്തു. മൊണാലിസക്ക് വിവാഹത്തിന് മുമ്പേ പ്രായപൂര്ത്തി ആയെന്നു കാട്ടി ഇരുവരും കേരള ഹൈക്കോടതി സമീപിക്കുകയും, ഫര്മാന് ഖാന് കോടതി അറസ്റ്റില് നിന്ന് ഇടക്കാല സംരക്ഷണം അനുവദിക്കുകയും ചെയ്തിരുന്നു.
https://www.facebook.com/Malayalivartha
