പശ്ചിമ ബംഗാളിലെ പ്രക്ഷുബ്ധമായ ടീസ്റ്റ നദിയിൽ കനത്ത മലവെള്ളപ്പാച്ചിൽ. നദി മുറിച്ചുകടക്കുന്നതിനിടെ കൂട്ടത്തിൽ നിന്നും വേർപെട്ട്, ഒഴുക്കിൽപ്പെട്ട് പോയത് ജനിച്ചിട്ട് വെറും നാല് ദിവസം മാത്രം പ്രായമുള്ള ഒരു ആനക്കുട്ടി. മരണത്തോട് മല്ലടിച്ച് നാല് കിലോമീറ്ററോളം ഒഴുകിപ്പോയ ആ കുട്ടിയാനയെ, സ്വന്തം ജീവൻ പണയം വെച്ച് ഒരു ചെറുവഞ്ചിയിൽ പിന്തുടർന്ന് രക്ഷപ്പെടുത്തുകയായിരുന്നു രണ്ട് മത്സ്യത്തൊഴിലാളികൾ! വള്ളത്തിൽ വെച്ച് ആ കുട്ടിയാനയെ അവർ നെഞ്ചോട് ചേർത്ത് പിടിക്കുന്ന ദൃശ്യങ്ങൾ ഇപ്പോൾ ആഗോളതലത്തിൽ തരംഗമാവുകയാണ്.

വനംവകുപ്പിന്റെ ദ്രുതഗതിയിലുള്ള ഇടപെടലിലൂടെ ആനക്കുട്ടിയെ മണിക്കൂറുകൾക്കകം കാട്ടിലുള്ള അമ്മയാനയുടെ അരികിലേക്ക് തന്നെ സുരക്ഷിതമായി എത്തിച്ചു. മനുഷ്യത്വത്തിന്റെ വലിപ്പം കാട്ടിത്തന്ന ആ ധീരരായ മനുഷ്യർക്ക് സോഷ്യൽ മീഡിയയിൽ ലോകമെമ്പാടുനിന്നും കൈയടി ഉയരുകയാണ്.