ബസും ലോറിയും കൂട്ടിയിടിച്ച് 3പേർക്ക് ദാരുണാന്ത്യം. കർണാടകയിലെ മൈസൂരുവിന് സമീപത്തെ പെരിയ പട്ടണത്താണ് അപകടം നടന്നത്. ബംഗളൂരുവിൽ നിന്നും കോഴിക്കോട്ടേക്ക് വരുകയായിരുന്ന സ്ലീപ്പർ ബസാണ് അപകടത്തിൽ പെട്ടത്.

പുലർച്ചെ 3.45 ഓടെയാണ് അപകടം സംഭവിച്ചത്. പരിക്കേറ്റവരെ സമീപപ്രദേശങ്ങളിലെ ആശുപത്രിയിൽ പ്രവേശിപ്പിച്ചിരിക്കുകയാണ്.
അതേസമയം ബസിന്‌റെ മുൻഭാഗത്ത് ഇരുന്ന മൂന്നുപേർക്കാണ് ജീവൻ നഷ്ടമായത്. ഡ്രൈവറും ക്ലീനറും ഉൾപ്പെടെയുള്ളവർക്കാണ് മരണം സംഭവിച്ചതെന്നാണ് പ്രാഥമിക സൂചനകളുള്ളത്. പരിക്കേറ്റവരെ ഹുൻസൂരിലേക്കും മൈസൂരുവിലെയും വിവിധ ആശുപത്രികളിൽ പ്രവേശിപ്പിച്ചിട്ടുണ്ട്. മരിച്ചവരുടുയും പരിക്കേറ്റവരുടെയും പേരുവിവരങ്ങൾ അറിവായിട്ടില്ല.