അടുത്ത വര്ഷത്തെ ഹജ്ജ് കരാറില് ഇന്ത്യയും സൗദിയും ഒപ്പുവെച്ചു, ഇന്ത്യയുടെ ഹജ്ജ് ക്വാട്ട വര്ധിപ്പിക്കണമെന്ന് സൗദി ഹജ്ജ് മന്ത്രാലയത്തോട് ആവശ്യപ്പെട്ടതായി മുക്താര് അബ്ബാസ് നഖ്വി
2019 ലെ ഹജ്ജ് കരാറില് ഇന്ത്യയും സൗദിയും ഒപ്പുവെച്ചു. കേന്ദ്ര ന്യൂനപക്ഷ കാര്യമന്ത്രി മുഖ്താര് അബ്ബാസ് നഖ്വിയും സൗദി ഹജ്ജ് മന്ത്രി മുഹമ്മദ് സാലിഹ് ബിന്ദനുമാണ് കരാറില് ഒപ്പുവെച്ചത്. ഇന്ത്യയുടെ ഹജ്ജ് ക്വാട്ട വര്ധിപ്പിക്കണമെന്ന് സൗദി ഹജ്ജ് മന്ത്രാലയത്തോട് ആവശ്യപ്പെട്ടതായി മുക്താര് അബ്ബാസ് നഖ്വി പിന്നീട് നടത്തിയ വാര്ത്താ സമ്മേളനത്തില് പറഞ്ഞു.
സൗദിയുടെ ഭാഗത്ത് നിന്ന് അനുകൂല തീരുമാനമുണ്ടാവുമെന്ന് ശുഭപ്രതീക്ഷയുണ്ടെന്ന് അദ്ദേഹം പറഞ്ഞു.
ഇന്ത്യയിലെ മുസ്ലീം ജനസംഖ്യക്ക് ആനുപാതികമായി ക്വാട്ട വര്ധിപ്പിച്ചു തരണമെന്ന് ആവശ്യപ്പെട്ടിട്ടുണ്ട്. നിലവില് 1,70,000 ആണ് ഇന്ത്യയുടെ ക്വാട്ട. ഇത് 1,90,000 ആവുമെന്നാണ് പ്രതീക്ഷിക്കുന്നത്. കോഴിക്കോട് നിന്നടക്കം ഇത്തവണ രാജ്യത്ത് 21 എംബാര്ക്കേഷന് പോയിന്റുകളുണ്ടാവും. മൂന്ന് ലക്ഷം പേരാണ് ഈ വര്ഷം ഇന്ത്യയില് ഹജ്ജിനായി അപേക്ഷ സമര്പ്പിച്ചിരിക്കുന്നത്. അപേക്ഷകരുടെ എണ്ണം കുറഞ്ഞു എന്ന വാര്ത്തകള് അദ്ദേഹം നിഷേധിച്ചു.
എംബാര്ക്കേഷന് പോയിന്റുകളില് നിന്ന് തന്നെ എമിഗ്രേഷന് നടപടികള് പൂര്ത്തിയാക്കുന്നതിന് സാങ്കേതികമായി ചില പ്രധാന തടസ്സങ്ങളുണ്ട്. കപ്പല് മാര്ഗം ഇന്ത്യന് ഹാജിമാരെ കൊണ്ടുവരുന്നതിനുള്ള നടപടികള് പുരോഗമിക്കുകയാണ്. 2019ഫല് ഇത് നടപ്പാക്കാന് കഴിയില്ല. അടുത്ത സീസണില് സാധിക്കുമെന്നാണ് പ്രതീക്ഷിക്കുന്നത്. ഇന്ത്യന് ഹജ്ജ് മിഷന് കഴിഞ്ഞ വര്ഷത്തേക്കാള് നേരത്തെ തയാറെടുപ്പുകള് ആരംഭിച്ചു കഴിഞ്ഞു.
ഹാജിമാരുടെ താമസം ഗ്രീന്, അസീസിയ കാറ്റഗറികളിലാണ് ഉണ്ടായിരുന്നത്. ഹറമിന് പരിസരത്ത് നടക്കാവുന്ന ദുരത്തില് താമസിക്കുന്നവരാണ് ഗ്രീന് കാറ്റഗറിയില്പെടുക. നോണ് കുക്ക്, നോണ് ട്രാന്സ് പോര്ട്ട് വിഭാഗമായാണ് ഇനി ഇത് അറിയപ്പെടുക. വാര്ത്താ സമ്മേളനത്തില് ഇന്ത്യന് അംബാസഡര് അഹമ്മദ് ജാവേദ്,കോണ്സല് ജനറല് നൂര് മുഹമ്മദ് റഹ്മാന് ശൈഖ്, ഹജ്ജ് കോണ്സല് മുഹമ്മദ് ഷാഹിദ് ആലം തുടങ്ങിയവര് പങ്കെടുത്തു.
"
https://www.facebook.com/Malayalivartha