മസ്‌കത്തിലെ സമദ് ഷാനില്‍ റൂദയിലുണ്ടായ വാഹനപകടത്തില്‍ മൂന്ന് മലയാളികള്‍ മരിച്ചു. തിരുവനന്തപുരം വെണ്ണിയൂര്‍ സ്വദേശികളായ സാബു പ്രസാദ് (40), സജു പ്രസാദ് (38), കൊല്ലം സ്വദേശി സജീവ് പുരുഷോത്തമനുമാണ് (41)മരിച്ചത്. ഇവരില്‍ സാബുവും സജുവും സഹോദരന്മാരാണ്. ഞായറാഴ്ച വൈകുന്നേരം ഇവര്‍ സഞ്ചരിച്ചിരുന്ന വാഹനത്തില്‍ എതിരെ വന്ന വാഹനം ഇടിക്കുകയായിരുന്നു. മൂന്നുപേരെയും ഉടന്‍ സമദ്ഷാന്‍ ആസ്പത്രിയില്‍ എത്തിച്ചെങ്കിലും രക്ഷിക്കാനായില്ല. സാബുവും സജുവും സംഭവസ്ഥലത്ത് വെച്ച്  മരിച്ചിരുന്നു. ഗുരുതരമായി പരിക്കേറ്റ് സജീവ് ഇബ്ര ആസ്പത്രിയില്‍ വെച്ചാണ് മരിച്ചത്. സാബു പ്രസാദിന്റെയും സജു പ്രസാദിന്റെയും മൃതദേഹങ്ങള്‍ സമദ്ഷാന്‍ ആസ്പത്രിയിലും സജീവിന്റെ മൃതദേഹം ഇബ്ര ആസ്പത്രിയിലും സൂക്ഷിച്ചിരിക്കുകയാണ്. നടപടി ക്രമങ്ങള്‍ക്ക് ശേഷം മൃതദേഹങ്ങള്‍ നാട്ടിലേക്ക് കൊണ്ടുപോകുമെന്ന് ബന്ധുക്കള്‍ അറിയിച്ചു.

അനിതയാണ് സജുപ്രസാദിന്റെ ഭാര്യ. മകന്‍: അഭിജിത്ത്. ഇവരെ ഗള്‍ഫിലേക്ക് കൊണ്ടുപോകാന്‍ മാസങ്ങള്‍ക്ക് മുമ്പ് സജു നാട്ടിലെത്തിയിരുന്നു. എന്നാല്‍ യാത്രാ രേഖകള്‍ ശരിയാകാത്തതിനാല്‍ കഴിഞ്ഞ ബുധനാഴ്ച ഒമാനിലേക്ക് മടങ്ങിയിരുന്നു. ഗീതയാണ് സാബുവിന്റെ ഭാര്യ. മക്കള്‍: അക്ഷയ് സാബു, അഭയ് സാബു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha