സൗദിയിൽ നിന്ന് നാട്ടിലേക്ക് പോകാൻ തയ്യാറെടുക്കുമ്പോൾ കൊല്ലം ശാസ്താംകോട്ട, പള്ളിശ്ശേരിക്കൽ വട്ടവിള സ്വദേശി പയ്യല്ലൂർ കിഴക്കതിൽ വീട്ടിൽ ഷാജഹാന് ജെ.സി.ബിയുടെ അടിയിൽപെട്ട് ദാരുണാന്ത്യം
സൗദി അറേബ്യയുടെ വടക്കു-കിഴക്കെ അതിർത്തിയിൽ കുവൈത്തിനോട് ചേർന്നുകിടക്കുന്ന നഗരമായ ഖഫ്ജിയിൽ നിന്നാണ് ഇന്ന് ഒരു ദുരന്ത വാർത്ത വരുന്നത്. നാട്ടിൽ പോകാൻ നിൽക്കുകയായിരുന്ന യുവാവിന് ദാരുണാന്ത്യം സംഭവിച്ചതായി ആണ് ഈ വാർത്ത ..സൈക്കിളിൽ സഞ്ചരിക്കുന്നതിനിടെ ജെ.സി.ബിയുടെ അടിയിൽപെട്ട് ആണ് മലയാളിക്ക് ദാരുണാന്ത്യം ഉണ്ടായിരിക്കുന്നത്
കൊല്ലം ശാസ്താംകോട്ട, പള്ളിശ്ശേരിക്കൽ വട്ടവിള സ്വദേശി പയ്യല്ലൂർ കിഴക്കതിൽ വീട്ടിൽ ഷാജഹാൻ ആണ് മരിച്ചത്. 46 വയസ്സായിരുന്നു
അശ്രദ്ധമായി പിന്നിലേക്കെടുത്ത ജെ.സി.ബി തട്ടി നിലത്തുവീണ ഷാജഹാന്റെ തലയിലൂടെ ജെ.സി.ബി കയറിയിറങ്ങുകയായിരുന്നു. തൽക്ഷണം മരണം സംഭവിച്ചു. 25 വർഷത്തിലേറെയായി ഒരേ സ്പോൺസറുടെ കീഴിൽ ഖഫ്ജിയിൽ തന്നെ ജോലി ചെയ്തുവരുന്ന ഷാജഹാൻ ഉടനെ നാട്ടിൽ പോകാനിരിക്കുകയായിരുന്നു. ഇവിടെ ഒരു വിശ്രമകേന്ദ്രത്തിലായിരുന്നു (ഇസ്തിറാഹ) ജോലി.
ഭാര്യ: നസീമ ബീവി. മക്കൾ: മുഹമ്മദ് ഷാൻ, മുഹമ്മദ് ഷഫീഖ്, സജ്ന. മൃതദേഹം ഏറെക്കാലമായി താമസിച്ചിരുന്ന ഖഫ്ജിയിൽ തന്നെ ഖബറടക്കും. ഇതിനായി കുടുംബത്തിന്റെ അനുമതി ലഭിച്ചിട്ടുണ്ട്
സൗദിയിൽ ഇപ്പോൾ വാഹനാപകടത്തിൽ മലയാളികൾ മരിക്കുന്നത് തുടർച്ചയായിട്ടുണ്ട്. സൗദി അറേബ്യ റാബകില് ഖാലിദ് ബിദ്രീസ് ക്ലിനിക്ക് ജോലി ചെയ്തുവരികയായിരുവന്ന മലപ്പുറം സ്വദേശി അബ്ദുല് വാഹിദ് ജിദ്ദ റാബകിൽ രാത്രി എട്ടരയോടെ ഉണ്ടായ വാഹനാപകടത്തിൽ കഴിഞ്ഞ ദിവസം മരിച്ചിരുന്നു
ഡിസംബർ 20 നു സൗദിയില് വാഹനാപകടത്തില് രണ്ട് മലയാളി സ്ത്രീകള്ക്കും ദാരുണാന്ത്യം സംഭവിച്ചിരുന്നു ...ഓമശേരി സ്വദേശി പുത്തൂര് മൂഴിപുറത്ത് ഷംസുദ്ദീന്റെ കുടുംബമാണ് അപകടത്തില് പെട്ടത്. ഷംസുദ്ദീന്റെ ഭാര്യ റഹീനയും സഹോദരി നഫീസയുമാണ് മരിച്ചത്. അപകടത്തില് പരിക്കേറ്റവരെ ആശുപത്രിയില് പ്രവേശിപ്പിച്ചു.സൗദിയിലെ ദമ്മാമില് നിന്നും ഉംറക്ക് പുറപ്പെട്ട മലയാളി കുടുംബമാണ് അന്ന് അപകടത്തില് പെട്ടത്
https://www.facebook.com/Malayalivartha