ശാരീരിക പീഡനത്തിന് ഇരയായത് 54 കുട്ടികൾ; ഷാർജയിൽ നിന്ന് പുറത്തേക്ക് വരുന്ന കണക്കുകൾ ഞെട്ടിക്കുന്നത്, സി.ആര്.പി.ഡി ഡയറക്ടര് പറയുന്നത്
സാധാരണ വിദേശ രാജ്യങ്ങളിൽ നിന്നും കുട്ടികളെ പീഡനത്തിന് ഇരയാക്കിയതായുള്ള വാർത്തകൾ അധികം ഉണ്ടാകാറില്ല. പ്രത്യേകിച്ച് ഗൾഫ് രാജ്യങ്ങളിൽ നിന്നും . എന്തെന്നാൽ അവിടെ നിന്നും ലഭ്യമാകുന്ന ശിക്ഷകൾ തന്നെയാണ് കാരണമായി പറയപ്പെടുന്നത്. ആയതിനാൽ തന്നെ ഷാർജയിൽ നിന്നും ഇപ്പോൾ പുറത്തേക്ക് വരുന്ന വിവരങ്ങൾ എല്ലാം തന്നെ ഞെട്ടിക്കുന്നവ തന്നെയാണ്.
800700 എന്ന ഹോട്ട്ലൈനില് ഇതുവരെ 54 കുട്ടികളെ പീഡിപ്പിച്ച കേസുകള് റിപ്പോര്ട്ട് ചെയ്യപ്പെട്ടിട്ടുണ്ടെന്ന് ഷാര്ജ സോഷ്യല് സര്വിസസ് ഡിപ്പാര്ട്മെന്റിന്റെ ശിശു അവകാശ സംരക്ഷണ വിഭാഗം (സി.ആര്.പി.ഡി) ഡയറക്ടര് ആമിന അല് റിഫായ് വെളിപ്പെടുത്തുകയുണ്ടായി. പീഡന കേസുകളിലെ കുട്ടികളില് പലരും വീടുകള്ക്കുള്ളില്തന്നെയാണ് അക്രമത്തിന് ഇരയായതെന്നും അവര് കണ്ടെത്തുകയും ചെയ്തു.
അതി ശ്രദ്ധയോടെ കാണേണ്ട വിഷയമാണിതെന്നും സാമൂഹിക പ്രവര്ത്തകര്, സൈക്യാട്രിസ്റ്റുകള്, രക്ഷാകര്തൃ വിദഗ്ധര്, ശിശുപരിപാലന വിദഗ്ധര് എന്നിവരടങ്ങുന്ന ചൈല്ഡ് റെസ്ക്യൂ ടീം കുട്ടികളുടെ സുരക്ഷക്കായി കഠിനമായി പരിശ്രമിക്കുന്നുണ്ടെന്നും അല് റിഫായ് വ്യക്തമാക്കുന്നു.
https://www.facebook.com/Malayalivartha