പത്ത് വർഷത്തിലേറെ ഉദരസംബന്ധമായ പ്രശ്നം മൂലം ഇരിക്കാൻ കഴിയാത്ത ഒരു യുവതി ഇപ്പോൾ ബ്രിട്ടനിൽ പ്രശസ്തയായി മാറിയിരിക്കുകയാണ്. എന്തെന്നാൽ തന്റെ അവസ്ഥ മറച്ചു വെയ്ക്കാന്‍ ആ യുവതി സ്വീകരിച്ചത് ഏറെ വ്യത്യസ്ഥമായ ഒരു വഴിയാണ്. ബ്രിട്ടനിലെ നിക്കോള ഫളൈച്ചര്‍ എന്ന യുവതിയാണ് ഈ ദുരവസ്ഥ നേരിട്ടതും അത് മറച്ചുവയ്ക്കാനായി മറ്റാരും ചിന്തിക്കാത്ത വിധത്തിലേക്ക് എത്തിപ്പെട്ടത് തന്നെ.

കഥ തുടങ്ങുന്നത് പത്തൊന്‍പതാമത്തെ വയസ്സിലാണ്. നിക്കോളയ്ക്ക് ക്രാണ്‍സ് ഡിസീസ് എന്ന അപൂര്‍വ രോഗം പിടിപെടുന്നത് അവിടെ നിന്നാണ്. രോഗത്തിന്റെ ഭാഗമായി യുവതിയുടെ വയര്‍ ദിവസം കഴിയും തോറും ക്രമാതീതമായി ചുരുങ്ങാന്‍ തുടങ്ങിയിരുന്നു. ഇത് കൂടാതെ ഈ രോഗം ദഹന വ്യവസ്ഥയെ ബാധിക്കാന്‍ തുടങ്ങുകയും വയറിന്റെ പുറം ഭാഗത്ത് ചെറിയ മുറിവുകള്‍ രൂപപ്പെട്ട് തുടങ്ങുകയും ചെയ്തു.ഇത് പിന്നീട് വ്രണമായി മാറുവാന്‍ തുടങ്ങുകയും ചെയ്തു. ആദ്യമാദ്യം നിക്കോളയ്ക്ക് ഇക്കാര്യം വീട്ടുകാരെ അറിയിക്കാന്‍ മടിയായിരുന്നെങ്കിലും വേദന അസഹ്യമായപ്പോള്‍ മറ്റു വഴികളില്ലാതെയായി മാറിയിരുന്നു. ഇതോടോപ്പം തന്നെ വയറിലെ ഈ മുറിവിനെ തുടര്‍ന്ന് യുവതിക്ക് ഒരു സ്ഥലത്തും ഇരിക്കാന്‍ പറ്റാതെയായി.

ഇങ്ങനെ ഈ രോഗത്തിനടിമപ്പെട്ട് മരുന്നും ചികിത്സകളുമായി കഴിഞ്ഞ പത്തു വര്‍ഷക്കാലം യുവതി വേദന സഹിച്ചു ജീവിക്കുകയും ചെയ്തു. ഏതാനും ദിവസങ്ങള്‍ക്ക് മുന്‍പ് ഉദര ശസ്ത്രക്രിയക്ക് വിധേയയായ നിക്കോള ഇപ്പോള്‍ രോഗത്തില്‍ നിന്നും പരിപൂര്‍ണ്ണമായി മുക്തി നേടി.എന്നാലും വയറില്‍ പഴയ മുറിവിന്റെ പാടുകള്‍ അവശേഷിക്കുകയുണ്ടായി. ഈ പാടുകളെ മറയ്ക്കുവാനായി പുതിയ ഒരു സൂത്രവും യുവതി പ്രയോഗിച്ചു വന്നു. സുന്ദരമായ ഒരു റോസാ പൂവിന്റെ ടാറ്റു ആ പാട് വന്ന ഭാഗത്തിന് മുകളിലായി നിക്കോള വരച്ചു ചേര്‍ക്കുകയുണ്ടായി. ആങ്ങനെ തന്റെ വയറ് നിക്കാള സുന്ദരമാക്കി തീര്‍ക്കുകയാണ് ഉണ്ടായത്.