ലണ്ടനില് കൊറോണ ബാധിച്ച് ഒരു മലയാളി കൂടി മരിച്ചു; കോവിഡ് ബാധിച്ച് ഇതുവരെ വിദേശത്ത് മരിച്ചത് 16 മലയാളികൾ
ലണ്ടനില് കൊറോണ ബാധിച്ച് ഒരു മലയാളി കൂടി മരിച്ചു. കണ്ണൂര് ഇരിട്ടി സ്വദേശി ഷിന്റോ ജോര്ജ് (36) ആണ് മരിച്ചത്.ഇതോടെ കോവിഡ് ബാധമൂലം ലണ്ടനില് മരിച്ച മലയാളികളുടെ എണ്ണം രണ്ടായി. കോവിഡ് ബാധിച്ച് ഇതുവരെ 16 മലയാളികളാണ് വിദേശത്ത് മരിച്ചത്.
യുഎഇയില് കോവിഡ് ബാധിച്ച് ഒരു മലയാളി കൂടി മരിച്ചു. കണ്ണൂര് കോളയാട് സ്വദേശി ഹാരിസ് ആലച്ചേരിയാണ് മരിച്ചത്. പനിയും ന്യുമോണിയയും ബാധിച്ചാണ് ഹാരിസ് ചികിത്സ തേടിയത്. അജ്മാനിലെ സ്വകാര്യ ആശുപത്രിയിലായിരുന്നു മരണം. ഇതോടെ യുഎയില് കോവിഡ് ബാധിച്ച് മരിച്ച മലയാളികളുടെ എണ്ണം രണ്ടായി. യുഎഇയില് 1,799 പേര്ക്കാണ് ഇതുവരെ കോവിഡ് സ്ഥിരീകരിച്ചത്. 11 പേരാണ് ഇവിടെ മരണത്തിന് കീഴടങ്ങിയത്.
കോവിഡ് 19 ബാധിച്ച് മലയാളി റിട്ട. നഴ്സ് അമേരിക്കയില് മരണമടഞ്ഞു. തിരുവല്ല കാവുംഭാഗം കിഴക്കുംമുറി വഞ്ചിപ്പാലം ഗ്രേസ് വില്ലയില് ജോണ് വര്ക്കിയുടെ ഭാര്യ ഏലിയാമ്മ ( 65) ആണ് മരിച്ചത്. ഏലിയാമ്മയും കുടുംബവും 15 വര്ഷമായി ന്യൂയോര്ക്കില് സ്ഥിര താമസക്കാരാണ്. ദുബായിയില് നഴ്സായിരുന്ന ഏലിയാമ്മ ജോലിയുടെ ഭാഗമായാണ് അമേരിക്കയില് എത്തിയത്. ജോലിയില് നിന്നും വിരമിച്ച ശേഷം കുടുംബവുമൊത്ത് ന്യൂയോര്ക്കില് തുടരുകയായിരുന്നു. വെള്ളിയാഴ്ച്ച രാത്രി ശ്വാസതടസത്തെ തുടര്ന്നാണ് ആശുപത്രിയില് പ്രവേശിപ്പിക്കപ്പെട്ട ഇവര് ഞായറാഴ്ച രാത്രി എട്ടു മണിയോടെ മരിക്കുയായിരുന്നു.
https://www.facebook.com/Malayalivartha