മലയാളി യുവാവ് ഓസ്ട്രേലിയയില് ദുരൂഹ സാഹചര്യത്തില് മരിച്ചു
ഓസ്ട്രേലിയയില് മലയാളി യുവാവ് ദുരൂഹസാഹചര്യത്തില് മരിച്ചു. തൃശൂര് വള്ളിവട്ടം വേളാപറമ്പില് ഉണ്ണികൃഷ്ണന് വി. രാമന്റെയും ഗീതാ ഉണ്ണികൃഷ്ണന്റെയും മകന് ഗ്യഷ് ഉണ്ണികൃഷ്ണനാണ് (29) മരിച്ചത്. വെസ്റ്റേണ് ഓസ്ട്രേലിയയിലുള്ള മോസ്മന് പാര്ക്കിലെ വീട്ടിലാണ് ഗ്യഷിനെ മരിച്ച നിലയില് കണ്ടെത്തിയത്.
മൗറീഷ്യസ് സ്വദേശിനിയായ കൃഷ്ണമണി രാഘവനാണ് ഗ്യഷിന്റെ ഭാര്യ. അടുത്തിടെ മൗറീഷ്യസില്നിന്ന് ഓസ്ട്രേലിയയിലേക്ക് കുടിയേറിയതാണ് കൃഷ്ണമണി. ജൂലൈ ആറിനാണ് മരിച്ചതെങ്കിലും ഏറെക്കുറെ ഒറ്റപ്പെട്ട നിലയില് കഴിയുന്ന ദമ്പതികളായിരുന്നു ഇവര്. മരണകാരണം എന്താണെന്ന് കുടുംബാംഗങ്ങള്ക്കും വ്യക്തമല്ല. ആത്മഹത്യ ചെയ്തതാണെന്ന സ്ഥിരീകരിക്കാത്ത റിപ്പോര്ട്ടുണ്ട്. എന്നാല് ഇതിനുള്ള കാരണം എന്താണെന്ന് വ്യക്തമാക്കാന് അധികൃതര് തയാറായിട്ടില്ല. വിവരം അറിഞ്ഞ് കൃഷ്ണമണിയുടെ സഹോദരന് കൃഷ് ഓസ്ട്രേലിയയില് എത്തിയിട്ടുണ്ട്.
https://www.facebook.com/Malayalivartha
