പുതിയ തൊഴില്‍ നിയമം നടപ്പാക്കുന്നതിന്റെ ഭാഗമായി രാജ്യത്ത് പ്രവാസി തൊഴിലാളികള്‍ക്ക് ഇലക്ട്രോണിക് കരാര്‍ സംവിധാനം വരുന്നു. ഇത് അന്തിമ ഘട്ടത്തിലാണെന്ന് തൊഴില്‍സാമൂഹികകാര്യ മന്ത്രാലയം വ്യക്തമാക്കി.
ഓണ്‍ലൈനില്‍ സൈറ്റ് സന്ദര്‍ശിച്ച് തൊഴിലാളികള്‍ക്ക് മാതൃഭാഷയില്‍ കരാര്‍ പരിശോധിച്ച് വേണ്ടവ കൂട്ടിച്ചേര്‍ക്കാനും സൗകര്യം ഉണ്ടാകും. നിലവില്‍ കരാറിനെക്കുറിച്ചറിയാനും പരിശോധിക്കാനും തൊഴിലാളികള്‍ക്ക് മന്ത്രാലയത്തിന് കീഴിലെ ഡോക്യുമെന്റേഷന്‍ വിഭാഗത്തില്‍ എത്തേണ്ടതുണ്ട്. ഇക്കാര്യത്തിന് എത്തുന്നവരുടെ തിരക്ക് നിത്യക്കാഴ്ചയുമാണ്. ഓണ്‍ലൈനില്‍ വിവരങ്ങള്‍ ലഭ്യമാക്കുന്നതോടെ ആ തിരക്ക് ഒഴിവാക്കാനാകുമെന്ന് അധികൃതര്‍ കണക്ക് കൂട്ടുന്നു.
തൊഴിലാളികള്‍ക്ക് മികച്ച താമസ്ഥലങ്ങള്‍ തയ്യാറാക്കണമെന്ന് മന്ത്രാലയം കമ്പനികളോട് ആവശ്യപ്പെട്ടിട്ടുണ്ട്. ഇതുസംബന്ധിച്ചുള്ള പരിശോധന തുടരാനും തീരുമാനിച്ചിട്ടുണ്ട്. തൊഴിലാളികളുടെ കാര്യത്തില്‍ ഏറ്റവും സുപ്രധാനമായ മാറ്റം ഉണ്ടാക്കുന്ന സംവിധാനം നവംബര്‍ രണ്ടുമുതല്‍ രാജ്യത്ത് നടപ്പാക്കാന്‍ പോവുകയാണ്. ഓണ്‍ലൈന്‍ വഴി ശമ്പളം നല്‍കാനുള്ള വേതന സുരക്ഷാ സംവിധാനമാണത്.
എ.ടി.എം. വഴി ശമ്പളം ലഭിക്കാന്‍ തൊഴിലാളികള്‍ ബാങ്ക് അക്കൗണ്ട് എടുക്കേണ്ടതുണ്ട്. രാജ്യത്തെ ബാങ്കുകളില്‍ ഇതിന്റെ തിരക്ക് അനുഭവപ്പെടുന്നതായും റിപ്പോര്‍ട്ടുണ്ട്. അക്കൗണ്ട് തുറക്കാനെത്തുന്ന എല്ലാവര്‍ക്കും വേതനപരിധി നോക്കാതെ അതിനുള്ള സൗകര്യം ചെയ്ത് കൊടുക്കണമെന്ന് ഖത്തര്‍ നാഷണല്‍ ബാങ്ക് നിര്‍ദേശം നല്‍കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha