ദുബായ് കുതിക്കുന്നത് ഇങ്ങനെ... ദുബായില് നിന്ന് വിമാനത്തേക്കാള് ഇരട്ടി വേഗത്തില് അബുദബിയിലെത്താന് 14.9 മിനുറ്റ്
പ്രവാസികളുടെ സ്വന്തം ദുബായ് കുതിക്കുകയാണ്. വിമാനത്തേക്കാള് വേഗതയുള്ള ട്രെയിന് ദുബായില് എത്തുകയാണ്. ദുബായില് നിന്ന് അബൂദബിയിലെത്താന് 14.9 മിനുറ്റ് മതിയെന്നാണ് പുതിയ കണ്ടെത്തല്. ഹൈപര്ലൂപ് ഗതാഗത സംവിധാനത്തിന്റെ സഹായത്തോടെ വിമാനത്തേക്കാള് വേഗത്തില് സഞ്ചരിക്കാമെന്നാണ് കണ്ടെത്തിയിരിക്കുന്നത്.
വിമാനം വഴി ദുബായില് നിന്ന് അബൂദബിയിലെത്താന് വേണ്ടത് ശരാശരി 35 മിനുട്ടാണ്. എന്നാല് ഹൈപര്ലൂപ് വഴി 14.9 മിനുറ്റ് കൊണ്ട് എത്താമെന്നാണ് ഗവേഷകര് പറയുന്നത്. ഗതാഗത മേഖലയില് നിരവധി മാറ്റങ്ങള് കൊണ്ടുവന്ന പീറ്റര് ഡയമണ്ടിസാണ് ഇത്തരമൊരു പ്രഖ്യാപനം നടത്തിയത്.
ഇരുപത്തിയൊന്നാം നൂറ്റാണ്ടിലെ പ്രമുഖ ഭവിഷ്യാവാദിയായ പീറ്റര് ഡയമണ്ടിസ് ലാഭേച്ഛയില്ലാതെ പ്രവര്ത്തിക്കുന്ന എക്സ് െ്രെപസ് ഫൗണ്ടേഷന്റെ സ്ഥാപകനാണ്. ദുബായ് വേള്ഡ് ട്രേഡ് സെന്ററില് നടന്ന സിഇഒമാരുടെ യോഗത്തിലാണ് ഇത്തരമൊരു റിപ്പോര്ട്ട് അവതരിപ്പിച്ചത്. തിരഞ്ഞെടുത്ത മാധ്യമപ്രവര്ത്തകരും ചടങ്ങിന് എത്തിയിരുന്നു.
വരും വര്ഷങ്ങളില് ഗതാഗതമേഖലയില് വിപ്ലവം സൃഷ്ടിക്കാന് കഴിയുന്ന ഒന്നാണ് ഹൈപ്പര് ലൂപ്പ് ടെക്നോളജി. സുരക്ഷിതമായ, വേഗത്തിലുള്ള ചരക്കുകടത്തിനും യാത്രയ്ക്കും ഏറെ സൗകര്യമായിരിക്കും ഹൈപര്ലൂപ്.
ലക്ഷ്യ സ്ഥലങ്ങള് തമ്മില് നീളത്തിലൊരു ട്യൂബ് നിര്മിക്കും. ഈ ട്യൂബിനുള്ളിലൂടെയാണ് യാത്രയും ചരക്കുകടത്തും. യുഎഇ ആവശ്യപ്പെടുകയാണെങ്കില് 2020 ല് ഇത് നടപ്പിലാക്കുമെന്നും ഡയമണ്ടിസ് പറഞ്ഞു. അടുത്ത വര്ഷം ഇതിന്റെ പരീക്ഷണങ്ങള് നടക്കും. മൂന്നു മുതല് നാലു കിലോമീറ്റര് ദൂരത്തില് വരെ പരീക്ഷണം നടത്താനാണ് പദ്ധതി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha